ഈദുൽ അദ്ഹ, ഹജ്ജ് എന്നിവ കണക്കിലെടുത്ത് കൂടുതൽ വിമാന സർവീസുകൾ നടത്തുമെന്ന് എമിറേറ്റ്സ് അറിയിച്ചു. 2023 ജൂൺ 21-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
ഈദുൽ അദ്ഹ, ഹജ്ജ് എന്നിവയോടനുബന്ധിച്ചുള്ള യാത്രികരുടെ തിരക്ക് കണക്കിലെടുത്താണിത്. ഹജ്ജ് തീർത്ഥാടകർക്കായി ജിദ്ദ, മദീന എന്നിവിടങ്ങളിലേക്കാണ് എമിറേറ്റ്സ് കൂടുതൽ വിമാന സർവീസുകൾ ഏർപ്പെടുത്തുന്നത്.
ഈദുൽ അദ്ഹ അവധിദിനങ്ങളിലെ തിരക്ക് കണക്കിലെടുത്ത് മേഖലയിലെ വിവിധ ഇടങ്ങളിലേക്കായി കൂടുതൽ വിമാന സർവീസുകൾ നടത്തുമെന്നും എമിറേറ്റ്സ് കൂട്ടിച്ചേർത്തു.
Cover Image: Dubai Media Office.
