രാജ്യത്തെ നേരിട്ടുള്ള വിദേശ നിക്ഷേപത്തിന്റെ തോത് 5.6 ശതമാനം വർദ്ധനവ് രേഖപ്പെടുത്തിയതായി ഒമാൻ നാഷണൽ സെന്റർ ഫോർ സ്റ്റാറ്റിസ്റ്റിക്സ് ആൻഡ് ഇൻഫർമേഷൻ പുറത്ത് വിട്ട കണക്കുകൾ വ്യക്തമാക്കുന്നു. 2021-ലെ മൂന്നാം പാദത്തിന്റെ അവസാനത്തിലുള്ള കണക്കുകൾ പ്രകാരം രാജ്യത്തെ നേരിട്ടുള്ള വിദേശ നിക്ഷേപം 16 ബില്ല്യൺ റിയാൽ കടന്നതായി അധികൃതർ സ്ഥിരീകരിച്ചിട്ടുണ്ടെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തിട്ടുണ്ട്.
2021-ലെ മൂന്നാം പാദത്തിന്റെ അവസാനത്തിലുള്ള കണക്കുകൾ പ്രകാരം ഒമാനിലേക്ക് ഏറ്റവും കൂടുതൽ നേരിട്ടുള്ള വിദേശ നിക്ഷേപം നടത്തിയിട്ടുള്ളത് യു കെയിൽ നിന്നാണ്. യു കെയിൽ നിന്ന് ഈ കാലയളവിൽ ഏതാണ്ട് എട്ട് ബില്ല്യൺ റിയാലാണ് നിക്ഷേപമായി എത്തിയിരിക്കുന്നത്.
എണ്ണ, പ്രകൃതിവാതകം എന്നിവയുമായി ബന്ധപ്പെട്ട മേഖലകളിലാണ് വിദേശ നിക്ഷേപത്തിന്റെ കൂടുതൽ പങ്ക് എത്തിയിരിക്കുന്നത്. ഈ മേഖലയിലെ നിക്ഷേപത്തിന്റെ തോതിൽ 10.5 ശതമാനത്തിന്റെ വർദ്ധനവ് രേഖപ്പെടുത്തിയിട്ടുണ്ട്.
