ലോകത്തെ ഏറ്റവും വലിയ ലാൻഡ്‌മാർക് സൈൻ എന്ന ഗിന്നസ് വേൾഡ് റെക്കോർഡ് അൽദഫ്‌റയിൽ സ്ഥിതി ചെയ്യുന്ന ലിവ സൈൻ ബോർഡ് കരസ്ഥമാക്കി. അബുദാബി മീഡിയ ഓഫീസാണ് ഇക്കാര്യം അറിയിച്ചത്.
ലിവ എന്ന പ്രദേശത്തിന്റെ നാമം സൂചിപ്പിക്കുന്ന ഈ ലാൻഡ്‌മാർക് സൈൻ ബോർഡ് അൽ ദഫ്‌റ മുനിസിപ്പാലിറ്റിയാണ് നിർമ്മിച്ചിരിക്കുന്നത്. 49 ടൺ ഭാരമുള്ള ഈ സൈൻ ബോർഡിന് 23.5 മീറ്റർ ഉയരമുണ്ട്.
സമുദ്രനിരപ്പിൽ നിന്ന് 197 മീറ്റർ ഉയരത്തിലുള്ള ഒരു കുന്നിന്മേലാണ് ഈ സൈൻ ബോർഡ് സ്ഥാപിച്ചിരിക്കുന്നത്. ലോഹങ്ങൾ കൊണ്ടാണ് ഇത് നിർമ്മിച്ചിരിക്കുന്നത്.
Cover Image: Abu Dhabi Media Office.
