2024-ൽ 1.4 ദശലക്ഷത്തിലധികം പേർ ലൂവർ അബുദാബി സന്ദർശിച്ചതായി അധികൃതർ അറിയിച്ചു. അബുദാബി മീഡിയ ഓഫീസാണ് ഇക്കാര്യം അറിയിച്ചത്.
.@LouvreAbuDhabi welcomed more than 1.4 million visitors in 2024, marking its highest attendance since opening, showcasing the museum’s dedication to creating cultural connections through world-class exhibitions, educational initiatives, and immersive visitor experiences. pic.twitter.com/AG8w0kW0a4
— مكتب أبوظبي الإعلامي (@ADMediaOffice) February 7, 2025
ലൂവർ അബുദാബി പ്രവർത്തനമാരംഭിച്ച ശേഷം ഒരു വർഷത്തിൽ രേഖപ്പെടുത്തുന്ന ഏറ്റവും ഉയർന്ന സന്ദർശകരുടെ നിരക്കാണിത്. മ്യൂസിയം ആരംഭിച്ച ശേഷം ആകെ ആറ് ദശലക്ഷം സന്ദർശകർ എന്ന നേട്ടവും ലൂവർ അബുദാബി കൈവരിച്ചു.
2024-ൽ മ്യൂസിയത്തിലെത്തിയ 84 ശതമാനം സന്ദർശകരും മറ്റു രാജ്യങ്ങളിൽ നിന്നെത്തിയവരാണെന്നും അധികൃതർ കൂട്ടിച്ചേർത്തു.
ലോകോത്തരനിലവാരത്തിലുള്ള പ്രദർശനങ്ങൾ, സന്ദർശകർക്കായൊരുക്കുന്ന ഏറ്റവും മികച്ച കാഴ്ചാനുഭവങ്ങൾ, മികച്ച അധ്യയന അനുഭവങ്ങൾ എന്നിവയ്ക്ക് അടിവരയിടുന്നതാണ് ഈ നേട്ടങ്ങൾ.
റഷ്യ, ചൈന, ഇന്ത്യ, ഫ്രാൻസ്, യു കെ എന്നിവിടങ്ങളിൽ നിന്നുള്ള സന്ദർശകരാണ് ഇതിൽ ഏറ്റവും കൂടുതൽ. അന്താരാഷ്ട്ര തലത്തിൽ തന്നെ ഏറെ പ്രാധാന്യമുള്ള ഒരു സാംസ്‌കാരിക കേന്ദ്രം എന്ന നിലയിൽ ലൂവർ അബുദാബിയുടെ സ്ഥാനം രേഖപ്പെടുത്തുന്നതാണ് ഈ കണക്കുകൾ.
2017-ലാണ് ലൂവർ അബുദാബി പൊതുജനങ്ങൾക്കായി തുറന്ന് കൊടുത്തത്. മ്യൂസിയത്തിൽ പ്രദർശിപ്പിച്ചിട്ടുള്ള കലാരചനകൾ, പ്രത്യേക എക്സിബിഷനുകൾ എന്നിവ കാണുന്നതിനും, മ്യൂസിയത്തിന്റെ അതിഗംഭീരമായ രൂപഭംഗി ആസ്വദിക്കുന്നതിനും എത്തുന്ന വ്യക്തികളുടെയും, കുടുംബങ്ങളുടെയും എണ്ണം ഓരോ വർഷവും കൂടി വരികയാണ്.
Cover Image: WAM.
