മസ്കറ്റ് ഗവർണറേറ്റിലെ വിവിധ ഇടങ്ങളിൽ 2022 മാർച്ച് മാസം മുതൽ പാർക്കിംഗ് ഫീസ് ഈടാക്കിക്കൊണ്ടുള്ള പുതിയ പാർക്കിംഗ് കേന്ദ്രങ്ങൾ ആരംഭിക്കുമെന്ന് മസ്കറ്റ് മുനിസിപ്പാലിറ്റി അറിയിപ്പ് നൽകി. 2022 ഫെബ്രുവരി 6-നാണ് മസ്കറ്റ് മുനിസിപ്പാലിറ്റി ഈ അറിയിപ്പ് നൽകിയത്.
ഈ അറിയിപ്പ് പ്രകാരം മസ്കറ്റ് ഗവർണറേറ്റിലെ താഴെ പറയുന്ന ഇടങ്ങളിലെ പാർക്കിംഗ് ഇടങ്ങളിൽ 2022 മാർച്ച് 6 മുതൽ പാർക്കിംഗ് ഫീസ് ഈടാക്കുന്നതാണ്:
- റുവിയിലെ സുൽത്താൻ മോസ്‌കിന് ചുറ്റുമുള്ള കാർ പാർക്ക്.
- സൗത്ത് അൽ ഖുവൈറിലെ സുൽത്താൻ ഖാബൂസ് സ്ട്രീറ്റിന് അരികിലുള്ളതും, വാണിജ്യ കെട്ടിടങ്ങൾക്ക് എതിർവശത്തുമുള്ളതായ കാർ പാർക്കുകൾ.
- അൽ ഖൗദ് സൂഖിലെ പുതിയ കാർ പാർക്ക്, ഒറീഡോ വ്യാപാരശാലയ്ക്ക് പിറകിലെ കാർ പാർക്ക്.
ഈ പാർക്കിംഗ് ഇടങ്ങളിൽ പാർക്ക് ചെയ്യുന്നവർക്ക് ‘Baladiyeti’ ആപ്പ് ഉപയോഗിച്ചും, മസ്കറ്റ് മുനിസിപ്പാലിറ്റി വെബ്സൈറ്റിലൂടെയും, SMS മുഖേനെയും പാർക്കിംഗ് ഫീ അടയ്ക്കാവുന്നതാണ്.
