രാജ്യത്തിന്റെ അമ്പത്തിമൂന്നാമത് ദേശീയ ദിനാഘോഷങ്ങളുടെ ഭാഗമായി 2023 നവംബർ 18-ന് അൽ ദാഖിലിയ ഗവർണറേറ്റിൽ നടന്ന മിലിറ്ററി പരേഡിന് ഒമാൻ ഭരണാധികാരി H.M. സുൽത്താൻ ഹൈതം ബിൻ താരിഖ് നേതൃത്വം വഹിച്ചു.
ഒമാൻ ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
അൽ ദാഖിലിയ ഗവർണറേറ്റിലെ ആദം എയർബേസ് മിലിറ്ററി പരേഡ് ഗ്രൗണ്ടിൽ വെച്ചാണ് ഈ നാഷണൽ ഡേ മിലിറ്ററി പരേഡ് നടന്നത്.
റോയൽ ആർമി ഓഫ് ഒമാൻ, റോയൽ എയർ ഫോഴ്സ് ഓഫ് ഒമാൻ, റോയൽ നേവി ഓഫ് ഒമാൻ, ഒമാൻ റോയൽ ഗാർഡ്, സുൽത്താൻസ് സ്പെഷ്യൽ ഫോഴ്സസ്, റോയൽ ഒമാൻ പോലീസ്, റോയൽ കോർട്ട് അഫയേഴ്‌സ്, അശ്വസേനാ വിഭാഗങ്ങൾ തുടങ്ങിയവർ ഈ പരേഡിൽ പങ്കെടുത്തു.
ഇവരോടൊപ്പം മറ്റു മിലിറ്ററി മ്യൂസിക് ബാൻഡുകളും പരേഡിൽ അണിചേർന്നു.
Cover Image: Oman News Agency.
