ഒമാനിലെ ബിസിനസ് സ്ഥാപനങ്ങൾക്ക് 2027 ഏപ്രിൽ 1 മുതൽ ഇ-ഇൻവോയ്സിംഗ് നിർബന്ധമാക്കുന്നു.
جهاز الضرائب يصدر قرار رقم 189 /2026م بتعديل بعض أحكام اللائحة التنفيذية لقانون ضريبة القيمة المضافة، تشمل إصدار الفاتورة الضريبية بصيغة إلكترونية معتمدة ومؤمنة بما يضمن سلامتها وتخزينها.https://t.co/QQsYrzKPUe#العُمانية_انفوجرافكس pic.twitter.com/3QeNI9TIgI
— وكالة الأنباء العمانية (@OmanNewsAgency) August 9, 2026
2026 ഓഗസ്റ്റ് 9-നാണ് ഒമാൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്. രണ്ട് ഘട്ടങ്ങളായാണ് ഒമാനിൽ ഇത് നടപ്പിലാക്കുന്നത്.
5 മില്യൺ റിയാലിൽ കൂടുതൽ വാർഷിക സപ്ലൈകൾ ഉള്ള കമ്പനികൾ 2027 ഏപ്രിൽ 1 മുതൽ ഈ സംവിധാനത്തിന് കീഴിൽ വരുന്നതാണ്. ഈ പരിധിയ്ക്ക് താഴെ വരുന്ന കമ്പനികൾക്ക് 2027 ഒക്ടോബർ 1 മുതൽ ഇ-ഇൻവോയ്സിംഗ് നിർബന്ധമാക്കുന്നതാണ്.
മൂല്യവർധിത നികുതി നിയമത്തിലെ എക്സിക്യൂട്ടീവ് ചട്ടങ്ങളിലെ വ്യവസ്ഥകൾ ഭേദഗതി ചെയ്യുന്ന ഉത്തരവ് ‘189/2026’ പ്രകാരമാണ് തീരുമാനം. നികുതി ഇൻവോയ്സുകൾ അവയുടെ സമഗ്രത, സുരക്ഷ, ശരിയായ സംഭരണം എന്നിവ ഉറപ്പാക്കുന്ന അംഗീകൃതവും സുരക്ഷിതവുമായ ഇലക്ട്രോണിക് ഫോർമാറ്റിൽ നൽകണമെന്ന് ഈ ഭേദഗതികൾ വ്യവസ്ഥ ചെയ്യുന്നു.
ഈ തീരുമാനം പ്രാബല്യത്തിൽ വരുന്നതോടെ നികുതി അതോറിറ്റി നിശ്ചയിച്ചിട്ടുള്ള സാങ്കേതിക ആവശ്യകതകൾക്കനുസൃതമായി, ഇലക്ട്രോണിക് നികുതി ഇൻവോയ്സുകൾ അംഗീകൃത ഇലക്ട്രോണിക് ഫോർമാറ്റിൽ നൽകുകയും കൈമാറുകയും സൂക്ഷിക്കുകയും ചെയ്യേണ്ടതാണ്.
Cover Image: Pixabay.
