മുപ്പത് ദിവസത്തെ സാധുതയുള്ള മെട്രോപാസ് 2025 ഏപ്രിൽ വരെ പ്രത്യേക പ്രചാരണ നിരക്കിൽ ലഭ്യമാണെന്ന് ദോഹ മെട്രോ ആൻഡ് ലുസൈൽ ട്രാം അധികൃതർ അറിയിച്ചു. 2024 ഡിസംബർ 31-നാണ് ദോഹ മെട്രോ ആൻഡ് ലുസൈൽ ട്രാം അധികൃതർ ഇക്കാര്യം അറിയിച്ചത്.
🎉 Great news! Our special 30-Day metropass promotion is now extended until 30 April 2025!
— Doha Metro & Lusail Tram (@metrotram_qa) December 31, 2024
Continue to enjoy this fantastic offer and embrace a greener, healthier way to travel this new year. 🌱🚇 #DohaMetro #LusailTram #GoGreen pic.twitter.com/Id8pAM9klD
സ്ഥിരം യാത്രികരെ ലക്ഷ്യമിട്ട് കൊണ്ട് ദോഹ മെട്രോ ആൻഡ് ലുസൈൽ ട്രാം പുറത്തിറക്കിയ മുപ്പത് ദിവസത്തെ സാധുതയുള്ള മെട്രോപാസ് പ്രത്യേക പ്രചാരണ നിരക്കിൽ 2025 ഏപ്രിൽ വരെ ലഭ്യമാണെന്ന് അധികൃതർ വ്യക്തമാക്കി. നേരത്തെ 2024 ഡിസംബർ 31 വരെയാണ് ഈ ആനുകൂല്യം ഏർപ്പെടുത്തിയിരുന്നത്.
ഈ കാലയളവിൽ 99 റിയാലിന് മെട്രോപാസ് ലഭ്യമുന്നതാണ്. ഈ മെട്രോപാസ് ഉപയോഗിച്ച് കൊണ്ട് യാത്രികർക്ക് ദോഹ മെട്രോ, ലുസൈൽ ട്രാം എന്നിവയിൽ തുടർച്ചയായി 30 ദിവസത്തെ പരിമിതിയില്ലാത്ത യാത്രാ സേവനങ്ങൾ ലഭിക്കുന്നതാണ്.
