തിരക്കേറിയ സമയങ്ങളിൽ റോഡുകളിൽ ട്രക്കുകൾക്ക് നിരോധനം ഏർപ്പെടുത്തിയതായി ഖത്തർ ജനറൽ ഡയറക്ടറേറ്റ് ഓഫ് ട്രാഫിക്ക് വ്യക്തമാക്കി. ട്രക്ക് ഡ്രൈവർമാരോട് ഈ നിരോധനം സംബന്ധിച്ച നിയമങ്ങൾ കൃത്യമായി പാലിക്കാൻ ട്രാഫിക് വകുപ്പ് ആവശ്യപ്പെട്ടിട്ടുണ്ട്.
ഖത്തർ ആഭ്യന്തര മന്ത്രാലയമാണ് ഇക്കാര്യം അറിയിച്ചത്. ഈ അറിയിപ്പ് പ്രകാരം റോഡുകളിൽ താഴെ പറയുന്ന സമയങ്ങളിലാണ് ട്രക്കുകൾക്ക് വിലക്കേർപ്പെടുത്തിയിരിക്കുന്നത്:
- രാവിലെ 6 മുതൽ 8.30 വരെ.
- ഉച്ചയ്ക്ക് 12 മുതൽ 3 വരെ.
- വൈകീട്ട് 5 മുതൽ രാത്രി 10 വരെ.
തിരക്കേറിയ സമയങ്ങളിൽ റോഡുകളിലെ ഗതാഗതം സുഗമമാക്കുന്നതിനായാണ് ഇത്തരം ഒരു തീരുമാനം.
