വിനോദസഞ്ചാരികൾക്കായി റാസ് അൽ ഖൈമ ട്രാൻസ്പോർട്ട് അതോറിറ്റി ക്ലാസിക് കാറുകൾ ഉപയോഗിച്ചുള്ള ടാക്സി സേവനങ്ങൾ ആരംഭിച്ചു. 2025 ഡിസംബർ 12-നാണ് റാസ് അൽ ഖൈമ ട്രാൻസ്പോർട്ട് അതോറിറ്റി ഇക്കാര്യം അറിയിച്ചത്.
اكتشفوا تجربة النقل الكلاسيكية في رأس الخيمة
— RAK Transport Authority (@RakTransport) December 12, 2025
تطلق هيئة رأس الخيمة للمواصلات خدمة مركبات الأجرة الكلاسيكية ابتداءً من 12 ديسمبر، مع مسارات داخل جزيرة المرجان، والربط بينها وبين كورنيش القواسم، ومسار على طول الكورنيش.
العمل يومياً من 4:00 مساءً حتى 10:00 مساءً – رحلة فريدة تعكس… pic.twitter.com/3gJyBwCrCC
റാസ് അൽ ഖൈമയിലെത്തുന്ന വിനോദസഞ്ചാരികൾക്ക് ഗൃഹാതുരമായ യാത്രാനുഭവങ്ങൾ നൽകുന്നത് ലക്ഷ്യമിട്ടാണ് അതോറിറ്റി ഡിസംബർ 12 മുതൽ ഇത്തരം ഒരു ടാക്സി സേവനം ആരംഭിച്ചിരിക്കുന്നത്.
അൽ മർജാൻ ഐലൻഡ് – അൽ ഖ്വാസിം കോർണിഷ് എന്നിവ തമ്മിൽ ബന്ധിപ്പിക്കുന്ന ഒരു റൂട്ട്, കോർണിഷിലൂടെയുള്ള യാത്രകൾ, അൽ മർജാൻ ദ്വീപിലെ യാത്രകൾ തുടങ്ങിയ നിശ്ചിത റൂട്ടുകളിലാണ് ഇത്തരം ക്ലാസ്സിക് കാറുകൾ ഉപയോഗിച്ചുള്ള ടാക്സി സേവനങ്ങൾ നൽകുന്നത്.
യാത്രികർക്ക് വിൻ്റേജ് വാഹനങ്ങളിൽ യാത്ര ചെയ്തു കൊണ്ട് റാസ് അൽ ഖൈമയുടെ സാംസ്കാരിക, വിനോദസഞ്ചാര അടയാളങ്ങൾ ആസ്വദിക്കുന്നതിന് ഈ സേവനം അവസരമൊരുക്കുന്നു.
ദിനവും വൈകീട്ട് 4 മണിമുതൽ രാത്രി 10 മണിവരെയാണ് ഈ ടാക്സി സേവനങ്ങൾ ലഭ്യമാക്കിയിരിക്കുന്നത്.
Cover Image: @RakTransport
