ദേശീയ ദിനാഘോഷങ്ങളുടെ ഭാഗമായി 2025 സെപ്റ്റംബർ 23-ന് രാജ്യത്തെ പൊതു, സ്വകാര്യ മേഖലകളിൽ അവധിയായിരിക്കുമെന്ന് സൗദി അധികൃതർ അറിയിച്ചു. 2025 സെപ്റ്റംബർ 18-നാണ് സൗദി മിനിസ്ട്രി ഓഫ് ഹ്യൂമൻ റിസോഴ്സസ് ആൻഡ് സോഷ്യൽ ഡെവലപ്മെന്റ് (MHRSD) ഔദ്യോഗിക വക്താവ് ഇക്കാര്യം അറിയിച്ചത്.
تُعلن #وزارة_الموارد_البشرية_والتنمية_الاجتماعية عن موعد إجازة #اليوم_الوطني_السعودي 95 للقطاع العام والخاص وغير الربحي. pic.twitter.com/JKfscSwpH2
— المتحدث الرسمي للموارد البشرية والتنمية الاجتماعية (@HRSD_SP) September 18, 2025
രാജ്യത്തിൻറെ തൊണ്ണൂറ്റിഅഞ്ചാമത് ദേശീയ ദിനാഘോഷങ്ങളുടെ ഭാഗമായി 2025 സെപ്റ്റംബർ 23, ചൊവാഴ്ച സൗദി അറേബ്യയിലെ പൊതു, സ്വകാര്യ മേഖലകളിലെ സ്ഥാപനങ്ങൾക്ക് അവധിയായിരിക്കും. വിദ്യാലയങ്ങൾക്കും, ബാങ്കുകൾക്കും ഈ അവധി ബാധകമാണ്.
സൗദി തൊഴിൽ നിയമത്തിലെ ആർട്ടിക്കിൾ 24 പ്രകാരമാണ് ഈ തീരുമാനം. എല്ലാ വർഷവും സെപ്റ്റംബർ 23-നാണ് സൗദി അറേബ്യ തങ്ങളുടെ ദേശീയ ദിനമായി ആചരിക്കുന്നത്.
