2025 ഏപ്രിൽ 29 മുതൽ സന്ദർശക വിസകളിലുള്ളവർക്ക് മക്കയിലേക്ക് പ്രവേശിക്കുന്നതിന് അനുമതിയില്ലെന്ന് സൗദി ആഭ്യന്തര മന്ത്രാലയം വ്യക്തമാക്കി. 2025 ഏപ്രിൽ 13-നാണ് മന്ത്രാലയം ഇക്കാര്യം അറിയിച്ചത്.
ترتيبات وإجراءات لأمن وسلامة ضيوف الرحمن.. استعدادًا لموسم الحج. #لا_حج_بلا_تصريح pic.twitter.com/bGOQrJ9WBO
— وزارة الداخلية 🇸🇦 (@MOISaudiArabia) April 12, 2025
എല്ലാതരം സന്ദർശക വിസകൾക്കും ഈ തീരുമാനം ബാധകമാണ്. ഇതിൽ വീഴ്ച വരുത്തുന്നവർക്ക് നിയമ നടപടികൾ നേരിടേണ്ടി വരുന്നതാണ്.
ഏപ്രിൽ 29 മുതൽ മക്കയിലേക്ക് ഹജ്ജ് വിസകളിലുളളവർക്ക് മാത്രമായിരിക്കുമെന്ന് മന്ത്രാലയം വ്യക്തമാക്കിയിട്ടുണ്ട്. സാധുതയുള്ള പെർമിറ്റില്ലാത്ത പ്രവാസികൾക്ക് ഏപ്രിൽ 23-ന് ശേഷം മക്കയിലേക്ക് പ്രവേശനം അനുവദിക്കുന്നതല്ല.
മക്കയിൽ രജിസ്റ്റർ ചെയ്തിട്ടുള്ള റെസിഡെൻസിയുള്ള വ്യക്തികൾക്കും, ഹജ്ജുമായി ബന്ധപ്പെട്ട് മക്കയിൽ തൊഴിലെടുക്കുന്നതിന് ഔദ്യോഗിക അനുമതിയുള്ള വ്യക്തികൾക്കും മാത്രമാണ് ഇത്തരം എൻട്രി പെർമിറ്റുകൾ അനുവദിക്കുന്നത്. ഇത്തരം പെർമിറ്റുകൾക്കുള്ള അപേക്ഷകൾ അബ്‌ഷെർ അല്ലെങ്കിൽ മുഖീം സംവിധാനത്തിലൂടെ നൽകാവുന്നതാണ്.
