അൽ താവുൻ റോഡിലെ ട്രാഫിക് നവീകരണ നടപടികൾ പൂർത്തിയാക്കിയതായി ഷാർജ റോഡ്സ് ആൻഡ് ട്രാൻസ്‌പോർട് അതോറിറ്റി അറിയിച്ചു. 2025 ജനുവരി 7-നാണ് ഷാർജ റോഡ്സ് ആൻഡ് ട്രാൻസ്‌പോർട് അതോറിറ്റി ഇത് സംബന്ധിച്ച അറിയിപ്പ് നൽകിയത്.
أنجزت #هيئة_الطرق_والمواصلات_بالشارقة تحسينات مرورية في شارع التعاون، شملت إضافة حارة رابعة بطول 950 مترًا، وفتحة التفاف بحارتين للقادمين من جسر النهدة، وتركيب إشارات مرورية لعبور المشاة، بهدف تعزيز انسيابية الحركة وسلامة الطرق. pic.twitter.com/4jgb2NEhqY
— هيئة الطرق و المواصلات في الشارقة (@RTA_Shj) January 7, 2025
ഈ റോഡിലെ ഗതാഗതത്തിരക്ക് കുറയ്ക്കുന്നതിനും, ട്രാഫിക് കൂടുതൽ സുഗമമാക്കുന്നതിനും, റോഡ് സുരക്ഷ വർധിപ്പിക്കുന്നതിനും ലക്ഷ്യമിട്ടാണ് ഈ നടപടികൾ. ഇതിന്റെ ഭാഗമായി റോഡിൽ 950 മീറ്റർ നീളത്തിലുള്ള ഒരു പുതിയ ലെയിൻ നിർമ്മിച്ചിട്ടുണ്ട്.
ഇതിന് പുറമെ രണ്ട് വരികളുള്ള ഒരു ടേണിങ് എക്സിറ്റ്, കാൽനട യാത്രികർക്കുള്ള സിഗ്നലുകൾ തുടങ്ങിയവയും പൂർത്തിയാക്കിയിട്ടുണ്ട്.
Cover Image: Screengrab from video shared by Sharjah RTA.
