നിലവിലെ സൗദിയിലേക്കുള്ള യാത്രാ നിയന്ത്രണങ്ങൾ കാരണം യു എ ഇയിൽ തുടരുന്ന സൗദി പൗരന്മാർക്ക് നാട്ടിലേക്ക് മടങ്ങാൻ ആഗ്രഹമുണ്ടെങ്കിൽ അടുത്ത 3 ദിവസത്തിനകം യാത്ര ചെയ്യാൻ യു എ ഇയിലെ സൗദി എംബസ്സി നിർദ്ദേശം നൽകി. ഇവർക്ക് റോഡ് മാർഗ്ഗം ബത്തയിലെ അതിർത്തി വഴിയോ, വിമാന മാർഗ്ഗം ദുബായ് ഇന്റർനാഷണൽ എയർപോർട്ട് വഴിയോ യാത്ര ചെയ്യാവുന്നതാണ്.
ബഹറിനിൽ തുടരുന്ന സൗദി പൗരന്മാർക്ക്, ബഹ്‌റൈനിലെ സൗദി എംബസിയും സമാനമായ നിർദ്ദേശം നൽകിയിട്ടുണ്ട്.
നിലവിൽ യു എ ഇ, കുവൈറ്റ്, ബഹ്‌റൈൻ, ലെബനൻ, സിറിയ, ദക്ഷിണകൊറിയ, ഈജിപ്ത്, ഇറ്റലി, ഇറാഖ്, ഒമാൻ, ഫ്രാൻസ്, ജർമ്മനി, തുർക്കി, സ്പെയിൻ എന്നീ രാജ്യങ്ങളിലേക്കുള്ള എല്ലാ യാത്രകളും സൗദി നിർത്തലാക്കിയിട്ടുണ്ട്.
