മുപ്പത്തൊന്നാമത് അബുദാബി ഇന്റർനാഷണൽ ചെസ്സ് ഫെസ്റ്റിവൽ ആരംഭിച്ചു. 2025 ഓഗസ്റ്റ് 15, വെള്ളിയാഴ്ചയാണ് അബുദാബി ഇന്റർനാഷണൽ ചെസ്സ് ഫെസ്റ്റിവൽ ആരംഭിച്ചത്.
نهيان بن مبارك يفتتح فعاليات النسخة الـ31 من مهرجان أبوظبي الدولي للشطرنج، التي ينظِّمها نادي أبوظبي للشطرنج والألعاب الذهنية بإشراف مجلس أبوظبي الرياضي، ويشيد بمهارات المشاركين وبالنجاح الذي يحققه المهرجان في نسخته الحالية، التي تُعَدُّ الأكبر في تاريخه. pic.twitter.com/hPEoW9l4Ug
— مكتب أبوظبي الإعلامي (@ADMediaOffice) August 16, 2025
യു എ ഇ സഹിഷ്ണത കാര്യ മന്ത്രി H.H. ഷെയ്ഖ് നഹ്യാൻ ബിൻ മുബാറക് അൽ നഹ്യാനാണ് മുപ്പത്തൊന്നാമത് അബുദാബി ഇന്റർനാഷണൽ ചെസ്സ് ഫെസ്റ്റിവൽ ഉദ്ഘാടനം ചെയ്തത്. അബുദാബി മീഡിയ ഓഫീസാണ് ഇക്കാര്യം അറിയിച്ചത്.
തുടർന്ന് അദ്ദേഹം അബുദാബി ഇന്റർനാഷണൽ ചെസ്സ് ഫെസ്റ്റിവലിന്റെ ഭാഗമായി നടക്കുന്ന മത്സരങ്ങൾ, പരിപാടികൾ എന്നിവ സന്ദർശിച്ചു.
മുപ്പത്തൊന്നാമത് അബുദാബി ഇന്റർനാഷണൽ ചെസ്സ് ഫെസ്റ്റിവൽ 2025 ഓഗസ്റ്റ് 24-ന് സമാപിക്കും. അബുദാബി കോർണിഷിലെ റാഡിസൺ ബ്ലൂ ഹോട്ടൽ ആൻഡ് റിസോർട്ടിൽ വെച്ചാണ് ഈ മത്സരം സംഘടിപ്പിക്കുന്നത്.
അബുദാബി സ്പോർട്സ് കൗൺസിലിന്റെ മേൽനോട്ടത്തിൽ അബുദാബി ചെസ്സ് ആൻഡ് മൈൻഡ് ഗെയിംസ് ക്ലബാണ് ഈ മത്സരം ഒരുക്കുന്നത്. ആകെ 500,000 ദിർഹമാണ് ഈ മത്സരത്തിലെ സമ്മാനത്തുക.
82 രാജ്യങ്ങളിൽ നിന്നുള്ള മൂവ്വായിരത്തിലധികം പേർ ഇത്തവണത്തെ അബുദാബി ഇന്റർനാഷണൽ ചെസ്സ് ഫെസ്റ്റിവലിൽ പങ്കെടുക്കുന്നുണ്ട്.
Cover Image: Abu Dhabi Media Office.
