ദെയ്‌റ ക്രീക്കിലെ ഫ്ലോട്ടിങ്ങ് ബ്രിഡ്ജിന്റെ പുതുക്കിയ പ്രവർത്തന സമയക്രമങ്ങൾ സംബന്ധിച്ച് ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിപ്പ് നൽകി. ജനുവരി 11-നാണ് ദുബായ് RTA ഇക്കാര്യം അറിയിച്ചത്.
ഈ അറിയിപ്പ് പ്രകാരം 2022 ജനുവരി 15 മുതൽ നടപ്പിലാക്കുന്ന ഫ്ലോട്ടിങ്ങ് ബ്രിഡ്ജിന്റെ പുതിയ പ്രവർത്തന സമയക്രമങ്ങളാണ് RTA അറിയിച്ചിരിക്കുന്നത്. യു എ ഇയിൽ 2022 ജനുവരി ആദ്യം മുതൽ നടപ്പിലാക്കിയിട്ടുള്ള വാരാന്ത്യ ദിനങ്ങളിൽ മാറ്റം വരുത്താനുള്ള തീരുമാനത്തിന്റെ പശ്ചാത്തലത്തിലാണ് ഈ അറിയിപ്പ്.
2022 ജനുവരി 15 മുതൽ ദുബായ് ക്രീക്ക് ഫ്ലോട്ടിങ്ങ് ബ്രിഡ്ജിന്റെ പ്രവർത്തന സമയക്രമം:
- വാരാന്ത്യ ദിനങ്ങളിൽ – ഫ്ലോട്ടിങ്ങ് ബ്രിഡ്ജ് ശനിയാഴ്ച്ച രാത്രി പത്ത് മണിമുതൽ തിങ്കളാഴ്ച്ച രാവിലെ 6 മണിവരെ അടച്ചിടുന്നതാണ്.
- പ്രവർത്തിദിനങ്ങളിൽ – ഓരോ ദിനവും രാത്രി പത്ത് മണിമുതൽ പിറ്റേന്ന് രാവിലെ 6 മണിവരെ അടച്ചിടുന്നതാണ്.
