ദുബായ് മാരത്തോൺ 2023 മത്സരവുമായി ബന്ധപ്പെട്ട്, ഫെബ്രുവരി 12, ഞായറാഴ്ച ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റിൽ ഘട്ടം ഘട്ടമായി ഗതാഗത നിയന്ത്രണം ഏർപ്പെടുത്തുമെന്ന് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിച്ചു. 2023 ഫെബ്രുവരി 11-ന് രാത്രിയാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
ഈ അറിയിപ്പ് പ്രകാരം, 2023 ഫെബ്രുവരി 12-ന് രാവിലെ 4 മണിമുതൽ ,ദുബായ് എക്സ്പോ സിറ്റി മുതൽ ഹെസ്സ സ്ട്രീറ്റ് വരെ, ഇരുദിശയിലേക്കും, ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റിൽ ഘട്ടം ഘട്ടമായാണ് ഈ നിയന്ത്രണം ഏർപ്പെടുത്തുന്നത്.
ഞായറാഴ്ച രാവിലെ 6 മണിമുതൽ ഉച്ചയ്ക്ക് ഒരു മണിവരെയാണ് ദുബായ് മാരത്തോൺ 2023 സംഘടിപ്പിക്കുന്നത്. ഇതിന്റെ ഭാഗമായി, ഞായറാഴ്ച ദുബായ് മെട്രോയുടെ പ്രവർത്തനസമയം നീട്ടുമെന്ന് RTA നേരത്തെ അറിയിച്ചിരുന്നു.
