ദുബായ്, അബുദാബി എന്നീ എമിറേറ്റുകൾക്കിടയിൽ റോഡ്സ് ആൻഡ് ട്രാൻസ്‌പോർട് അതോറിറ്റിയുടെ (RTA) നേതൃത്വത്തിൽ ഷെയർ ടാക്സി സേവനങ്ങൾ ആരംഭിച്ചു. 2024 നവംബർ 4-നാണ് ദുബായ് RTA ഇക്കാര്യം അറിയിച്ചത്.
أطلقت #هيئة_الطرق_و_المواصلات في دبي، تجريبيًا ولمدة ستة أشهر، مبادرة تتيح للركاب المشاركة في مركبات الأجرة، التي تعمل بين مركز ابن بطوطة في دبي ومركز الوحدة في أبوظبي، في خطوة تهدف إلى توفير وسيلة تنقّل سهلة وسريعة وبتكلفة معقولة. وستُدرس نتائج التجربة لتقرر الهيئة توسيعها في… pic.twitter.com/4pl9vK6WAR
— RTA (@rta_dubai) November 4, 2024
ദുബായിലെ ഇബ്ൻ ബത്തൂത്ത സെന്റർ മുതൽ അബുദാബിയിലെ അൽ വഹ്ദ വരെ യാത്രാ സേവനങ്ങൾ നൽകുന്ന രീതിയിലാണ് ഈ ഷെയർ ടാക്സി സേവനങ്ങൾ ഒരുക്കിയിരിക്കുന്നത്. ഈ സേവനം ഉപയോഗപ്പെടുത്തിക്കൊണ്ട് യാത്രികർക്ക് തങ്ങളുടെ ടാക്സിക്കൂലി മറ്റു യാത്രികരുമായി പങ്ക് വെച്ച് കൊണ്ട് (പരമാവധി നാല് യാത്രികർ വരെ) യാത്ര ചെയ്യാനാകുന്നതാണ്.
ദുബായിൽ നിന്ന് അബുദാബിയിലേക്കുള്ള ഒരു സാധാരണ ടാക്സി സർവീസിനേക്കാൾ 75 ശതമാനം വരെ ചെലവ് കുറഞ്ഞതാണ് ഈ പുതിയ ഈ ഷെയർ ടാക്സി സേവനങ്ങളെന്ന് RTA ചൂണ്ടിക്കാട്ടിയിട്ടുണ്ട്. ഈ ഷെയർ ടാക്സി സർവീസിന്റെ നിരക്ക് താഴെ പറയുന്ന പ്രകാരമാണ്.
- നാല് യാത്രികർ ഷെയർ ടാക്സി ഉപയോഗിക്കുന്ന സാഹചര്യത്തിൽ – ഒരാൾക്ക് 66 ദിർഹം.
- മൂന്ന് യാത്രികർ ഷെയർ ടാക്സി ഉപയോഗിക്കുന്ന സാഹചര്യത്തിൽ – ഒരാൾക്ക് 88 ദിർഹം.
- രണ്ട് യാത്രികർ ഷെയർ ടാക്സി ഉപയോഗിക്കുന്ന സാഹചര്യത്തിൽ – ഒരാൾക്ക് 132 ദിർഹം.
യാത്രികർക്ക് ഈ യാത്രാ നിരക്ക് ബാങ്ക് കാർഡുകൾ ഉപയോഗിച്ചോ, നോൾ കാർഡുകൾ ഉപയോഗിച്ചോ നൽകാവുന്നതാണ്.
നിലവിൽ ആറ് മാസത്തെ പരീക്ഷണാടിസ്ഥാനത്തിലാണ് ഈ സേവനം ആരംഭിച്ചിരിക്കുന്നത്. ഇതിന് ശേഷം ഈ സേവനം കൂടുതൽ റൂട്ടുകളിലേക്ക് വ്യാപിപ്പിക്കാൻ സാധ്യതയുണ്ട്.
Cover Image: Dubai RTA.
