ലോകത്തെ ഏറ്റവും വലിയ മൊസൈക് കലാസൃഷ്ടിയായ ‘സായിദ് ആൻഡ് റാഷിദ്’ മ്യൂറൽ ഹത്തയിൽ അനാച്ഛാദനം ചെയ്തു. ദുബായ് മീഡിയ ഓഫീസാണ് ഇക്കാര്യം റിപ്പോർട്ട് ചെയ്തത്.
. @branddubai in partnership with @DEWAOfficial , has unveiled the #zayedandrashid Mural on the slope of Hatta Dam. Spanning 2,198.7 square meters, this Guinness World Record-holding mosaic celebrates the legacy of the UAE’s founding fathers, Sheikh Zayed bin Sultan Al Nahyan and… pic.twitter.com/v8UcHnxRt2
— Dubai Media Office (@DXBMediaOffice) November 25, 2024
ദുബായ് എലെക്ട്രിസിറ്റി ആൻഡ് വാട്ടർ അതോറിറ്റിയുമായി (DEWA) ചേർന്നാണ് ബ്രാൻഡ് ദുബായ് ഹത്തയിൽ ‘സായിദ് ആൻഡ് റാഷിദ്’ മ്യൂറൽ സ്ഥാപിച്ചിരിക്കുന്നത്.
യു എ ഇയുടെ സ്ഥാപക പിതാക്കളോടുള്ള ബഹുമാനസൂചകമായാണ് ‘സായിദ് ആൻഡ് റാഷിദ്’ മ്യൂറൽ ഒരുക്കിയിരിക്കുന്നത്.
ഹത്ത ഡാമിന്റെ ഭിത്തിയിലാണ് 2,198.7 സ്‌ക്വയർ മീറ്റർ വിസ്തൃതിയുള്ള ഈ മൊസൈക് കലാസൃഷ്ടി ഒരുക്കിയിരിക്കുന്നത്.
ഹത്ത അണക്കെട്ടിൽ നിന്ന് വെള്ളം വാർന്ന് പോകുന്ന ചെരുവിൽ ഒരുക്കിയിരിക്കുന്ന ഈ കലാസൃഷ്ടി യു എ ഇ എന്ന രാഷ്ട്രം സ്ഥാപിതമായ കാലഘട്ടത്തിൽ നിന്നുള്ള ഷെയ്ഖ് സായിദ്, ഷെയ്ഖ് റാഷിദ് എന്നിവരുടെ ചരിത്രപരമായ ഒരു ഫോട്ടോയുടെ പുനരാവിഷ്കാരമാണ്.
#ZayedAndRashid Mural in Hatta got Guinness World Record: Largest Mosaic Pane@BrandDubai | @DEWAOfficial pic.twitter.com/JqMdmoxdrt
— Dubai Media Office (@DXBMediaOffice) November 25, 2024
ലോകത്തെ ഏറ്റവും വലിയ മൊസൈക് ആർട്ട് നിർമ്മിതി എന്ന ഗിന്നസ് വേൾഡ് റെക്കോർഡ് നേട്ടം ‘സായിദ് ആൻഡ് റാഷിദ്’ മ്യൂറൽ സ്വന്തമാക്കിയതായി ദുബായ് മീഡിയ ഓഫീസ് അറിയിച്ചിട്ടുണ്ട്.
ബ്രാൻഡ് ദുബായിയുടെ നേതൃത്വത്തിൽ ഒരുക്കിയിട്ടുള്ള ‘#ZayedAndRashid’ എന്ന പ്രചാരണ പരിപാടിയുടെ ഭാഗമായാണ് ഈ കലാസൃഷ്ടി ഒരുക്കിയിരിക്കുന്നത്. ഷെയ്ഖ് സായിദ്, ഷെയ്ഖ് റാഷിദ് എന്നിവരുടെ പൈതൃകത്തിന്റെ ആഘോഷമെന്ന രീതിയിലാണ് ഈ പ്രചാരണ പരിപാടി സംഘടിപ്പിക്കുന്നത്.
യു എ ഇ എന്ന രാഷ്ട്രത്തിന്റെ രൂപീകരണത്തിൽ ഷെയ്ഖ് സായിദ്, ഷെയ്ഖ് റാഷിദ് എന്നിവരുടെ ദർശനങ്ങൾ, പ്രയത്നങ്ങൾ എന്നിവ വഹിച്ചിട്ടുള്ള പങ്ക്, ആഗോള തലത്തിൽ തന്നെ പുതുമ, അഭിവൃദ്ധി, ആനന്ദം തുടങ്ങിയവയുടെ ആഗോളതലത്തിൽ തന്നെയുള്ള പ്രതീകമായി യു എ ഇ വളരുന്നതിലേക്ക് ഇവർ പാകിയ അടിത്തറ എന്നിവ ഈ പ്രചാരണപരിപാടി എടുത്ത് കാട്ടുന്നു.
Cover Image: Dubai Media Office.
