യു എ ഇയിൽ 387 പേർക്ക് കൂടി കൊറോണ വൈറസ് ബാധ സ്ഥിരീകരിച്ചതായി മന്ത്രാലയം ഏപ്രിൽ 12, ഞായറാഴ്ച്ച അറിയിച്ചു. ഇതോടെ യു എ ഇയിൽ COVID-19 ബാധിച്ചവരുടെ എണ്ണം 4123 ആയി. 92 പേർ കൂടി രോഗം ഭേദമായി ആരോഗ്യം വീണ്ടെടുത്തിട്ടുണ്ട്. ഇതോടെ രാജ്യത്ത് രോഗം സുഖപ്പെട്ടവരുടെ എണ്ണം 680 ആയിട്ടുണ്ട്.
2 പേർ കൂടി കൊറോണ വൈറസ് ബാധയെത്തുടർന്ന് മരിച്ചതായും ആരോഗ്യ മന്ത്രാലയം അറിയിച്ചു. യു എ ഇയിൽ ഇതുവരെ 22 പേർ COVID-19 നെ തുടർന്ന് മരിച്ചിട്ടുണ്ട്. ഞായറാഴ്ച്ച മരിച്ച രണ്ട് പേരും ഏഷ്യൻ വംശജരാണ്.
