എമിറേറ്റിൽ 2025 ഒക്ടോബർ 14, ചൊവാഴ്ച വരെ മഴയ്ക്ക് സാധ്യതയുള്ളതായി അബുദാബി അധികൃതർ അറിയിച്ചു. അബുദാബി മീഡിയ ഓഫീസാണ് ഇക്കാര്യം അറിയിച്ചത്.
Scattered areas across Abu Dhabi emirate are expected to experience rainfall of varying intensity at intervals until Tuesday, 14 October. The public are urged to exercise caution in affected areas and to avoid valleys and flood paths. pic.twitter.com/eLUoXXhYhL
— مكتب أبوظبي الإعلامي (@ADMediaOffice) October 12, 2025
ഈ അറിയിപ്പ് പ്രകാരം അബുദാബിയിൽ വിവിധ ഇടങ്ങളിൽ ഒക്ടോബർ 14 വരെ ഒറ്റപ്പെട്ട മഴയ്ക്ക് സാധ്യതയുണ്ട്. ഇതോടൊപ്പം കാറ്റിനും സാധ്യതയുണ്ട്.
പൊതുജനങ്ങൾ താഴെ പറയുന്ന കാര്യങ്ങൾ ശ്രദ്ധിക്കണമെന്ന് അധികൃതർ ചൂണ്ടിക്കാട്ടിയിട്ടുണ്ട്:
- വാഹനങ്ങൾ ശ്രദ്ധയോടെ ഡ്രൈവ് ചെയ്യേണ്ടതാണ്. വേഗപരിധി സംബന്ധിച്ച നിയമങ്ങൾ കർശനമായി പാലിക്കേണ്ടതാണ്.
- വെള്ളപ്പൊക്കത്തിന് സാധ്യതയുള്ള ഇടങ്ങൾ, താഴ്വരകൾ തുടങ്ങിയ ഇടങ്ങളിലേക്കുള്ള യാത്രകൾ ഒഴിവാക്കേണ്ടതാണ്.
- പ്രഥമശുശ്രൂഷ കിറ്റ് കൈവശം കരുതേണ്ടതാണ്.
- ടോർച്ച് പോലുള്ള മറ്റ് പ്രകാശ സ്രോതസ്സുകൾ കൈവശം കരുതേണ്ടതാണ്.
