യു എ ഇ: അടുത്ത മൂന്ന് വർഷത്തേക്കുള്ള സ്‌കൂൾ കലണ്ടർ പ്രഖ്യാപിച്ചു

2026-2027 അധ്യയന വർഷമുൾപ്പടെ മൂന്ന് വർഷത്തേക്കുള്ള സ്‌കൂൾ കലണ്ടറിനു യു എ ഇ വിദ്യാഭ്യാസ മന്ത്രാലയം അംഗീകാരം നൽകി. 2026 ഫെബ്രുവരി 24-നാണ് യു എ ഇ വിദ്യാഭ്യാസ മന്ത്രാലയം ഇക്കാര്യം അറിയിച്ചത്.

تعلن #وزارة_التربية_والتعليم عن التقويم الأكاديمي المعتمد للأعوام الدراسية الثلاثة القادمة، وذلك للمدارس الحكومية والخاصة على مستوى الدولة، مما يسهم في تعزيز استقرار المنظومة التعليمية ودعم التخطيط المبكر على مستوى الطلبة وأولياء الأمور والميدان التربوي. pic.twitter.com/E76TUoKZHJ
— وزارة التربية والتعليم (@MOEUAEofficial) February 23, 2026

ഈ അറിയിപ്പ് പ്രകാരം, യു എ ഇയിലെ പൊതു, സ്വകാര്യ മേഖലകളിലെ വിദ്യാഭ്യാസ സ്ഥാപനങ്ങൾക്കുള്ള 2026-2027, 2027-2028, 2028-2029 എന്നീ മൂന്ന് അധ്യയന വർഷങ്ങളിലെ കലണ്ടർ പ്രഖ്യാപിച്ചിട്ടുണ്ട്. ദീർഘകാല വിദ്യാഭ്യാസ ആസൂത്രണത്തെ പിന്തുണയ്ക്കുന്നതിനായാണ് യു എ ഇ മൂന്ന് വർഷത്തെ അക്കാദമിക് കലണ്ടർ പുറത്തിറക്കിയിരിക്കുന്നത്.

രാജ്യത്തെ വിദ്യാഭ്യാസ സമ്പ്രദായത്തിലുടനീളം സ്ഥിരത ശക്തിപ്പെടുത്തുന്നതിനും വിദ്യാർത്ഥികൾക്കും രക്ഷിതാക്കൾക്കും അധ്യാപകർക്കും നേരത്തെ തയ്യാറെടുക്കുന്നതിനും ആവശ്യമായ പിന്തുണ നൽകുന്നതിനാണ് ഈ നീക്കം.

2026-2027 അധ്യയന വർഷത്തെ കലണ്ടർ:

2026 ഓഗസ്റ്റ് 31 – അധ്യയന വർഷം ആരംഭിക്കുന്ന തീയതി.
മിഡ് ടേം ബ്രേക്ക് – 2026 ഒക്ടോബർ 12 മുതൽ ഒക്ടോബർ 18 വരെ. ഇടവേളയ്ക്ക് ശേഷം ഒക്ടോബർ 19-ന് അധ്യയനം പുനരാരംഭിക്കും.
വിന്റർ ബ്രേക്ക് – 2026 ഡിസംബർ 14 മുതൽ 2027 ജനുവരി 3 വരെ. ഇടവേളയ്ക്ക് ശേഷം 2027 ജനുവരി 4-ന് അധ്യയനം പുനരാരംഭിക്കും.
സ്പ്രിംഗ് ബ്രേക്ക് – 2027 ഏപ്രിൽ 5 മുതൽ ഏപ്രിൽ 11 വരെ. ഇടവേളയ്ക്ക് ശേഷം 2027 ഏപ്രിൽ 12-ന് അധ്യയനം പുനരാരംഭിക്കും.
2027 ജൂലൈ 2 – അധ്യയന വർഷത്തിലെ അവസാന പ്രവർത്തിദിനം.

2027-2028 അധ്യയന വർഷത്തെ കലണ്ടർ:

2027 ഓഗസ്റ്റ് 30 – അധ്യയന വർഷം ആരംഭിക്കുന്ന തീയതി.
മിഡ് ടേം ബ്രേക്ക് – 2027 ഒക്ടോബർ 11 മുതൽ ഒക്ടോബർ 17 വരെ. ഇടവേളയ്ക്ക് ശേഷം ഒക്ടോബർ 18-ന് അധ്യയനം പുനരാരംഭിക്കും.
വിന്റർ ബ്രേക്ക് – 2027 ഡിസംബർ 13 മുതൽ 2028 ജനുവരി 2 വരെ. ഇടവേളയ്ക്ക് ശേഷം 2028 ജനുവരി 3-ന് അധ്യയനം പുനരാരംഭിക്കും.
സ്പ്രിംഗ് ബ്രേക്ക് – 2028 മാർച്ച് 27 മുതൽ ഏപ്രിൽ 2 വരെ. ഇടവേളയ്ക്ക് ശേഷം 2028 ഏപ്രിൽ 3-ന് അധ്യയനം പുനരാരംഭിക്കും.
2028 ജൂൺ 30 – അധ്യയന വർഷത്തിലെ അവസാന പ്രവർത്തിദിനം.

2028-2029 അധ്യയന വർഷത്തെ കലണ്ടർ:

2028 ഓഗസ്റ്റ് 28 – അധ്യയന വർഷം ആരംഭിക്കുന്ന തീയതി.
മിഡ് ടേം ബ്രേക്ക് – 2028 ഒക്ടോബർ 16 മുതൽ ഒക്ടോബർ 22 വരെ. ഇടവേളയ്ക്ക് ശേഷം ഒക്ടോബർ 23-ന് അധ്യയനം പുനരാരംഭിക്കും.
വിന്റർ ബ്രേക്ക് – 2028 ഡിസംബർ 11 മുതൽ 2029 ജനുവരി 1 വരെ. ഇടവേളയ്ക്ക് ശേഷം 2029 ജനുവരി 2-ന് അധ്യയനം പുനരാരംഭിക്കും.
സ്പ്രിംഗ് ബ്രേക്ക് – 2029 മാർച്ച് 26 മുതൽ ഏപ്രിൽ 1 വരെ. ഇടവേളയ്ക്ക് ശേഷം 2029 ഏപ്രിൽ 2-ന് അധ്യയനം പുനരാരംഭിക്കും.
2029 ജൂൺ 29 – അധ്യയന വർഷത്തിലെ അവസാന പ്രവർത്തിദിനം.