വേനൽച്ചൂട് കൂടുന്ന സാഹചര്യത്തിൽ വാഹനങ്ങളിലെ ടയറുകളുടെ സുരക്ഷ ഉറപ്പാക്കാൻ അബുദാബി പോലീസ് ആഹ്വാനം ചെയ്തു. 2026 ജൂൺ 12-നാണ് അബുദാബി പോലീസ് ഇത് സംബന്ധിച്ച അറിയിപ്പ് നൽകിയത്.
#أخبارنا | #شرطة_أبوظبي: الإطارات الرديئة خطر يهدد مستخدمي الطريق
— شرطة أبوظبي (@ADPoliceHQ) June 12, 2026
حذّرت القيادة العامة لشرطة أبوظبي ضمن حملة "صيف بأمان" السائقين من مخاطر استخدام الإطارات الرديئة أو غير المطابقة للمواصفات، مؤكدة أنها تُعد من أبرز مسببات الحوادث المرورية الجسيمة، خاصة خلال فصل الصيف وارتفاع… pic.twitter.com/MFdHl4a6O7
വേനൽച്ചൂടിൽ ടയറുകൾ അപകടത്തിൽപ്പെടുന്നതിനുള്ള സാധ്യത വലുതാണെന്ന് അബുദാബി പോലീസ് ചൂണ്ടിക്കാട്ടിയിട്ടുണ്ട്. ഇതിനാൽ ഗുണനിലവാരമില്ലാത്തതോ, കൃത്യമായ മാനദണ്ഡങ്ങൾ പാലിക്കാത്തതോ ആയ ആയ ടയറുകൾ ഉപയോഗിക്കുന്നത് ഒഴിവാക്കണമെന്ന് അബുദാബി പോലീസ് വാഹന ഉടമകളോട് അഭ്യർത്ഥിച്ചിട്ടുണ്ട്.
ഡ്രൈവർമാർ പതിവായി ടയറുകൾ പരിശോധിക്കണമെന്നും, സുരക്ഷാ മാനദണ്ഡങ്ങൾ പാലിക്കണമെന്നും പോലീസ് നിർദ്ദേശിച്ചിട്ടുണ്ട്. ‘സേഫ് സമ്മർ’ പ്രചാരണ പരിപാടിയുടെ ഭാഗമായാണ് അബുദാബി പോലീസ് ഈ നിർദ്ദേശങ്ങൾ നൽകിയത്.
വേനൽക്കാലത്ത് താപനില ഉയരുമ്പോൾ, പെട്ടെന്ന് ടയറുകൾ പൊട്ടിത്തെറിക്കുന്നതിനും വാഹന നിയന്ത്രണം നഷ്ടപ്പെടുന്നതിനും സാധ്യതയുള്ളതായി പോലീസ് ചൂണ്ടിക്കാട്ടി. ഗുരുതരമായ ഗതാഗത അപകടങ്ങൾക്ക് പ്രധാന കാരണങ്ങളിലൊന്നാണ് ഗുണനിലവാരമില്ലാത്തതോ നിലവാരമില്ലാത്തതോ ആയ ടയറുകളുടെ ഉപയോഗമെന്ന് പോലീസ് ഊന്നിപ്പറഞ്ഞു.
ഇതുമായി ബന്ധപ്പെട്ട് താഴെ പറയുന്ന കാര്യങ്ങൾ ശ്രദ്ധിക്കാൻ പോലീസ് ഡ്രൈവർമാരോട് ആവശ്യപ്പെട്ടിട്ടുണ്ട്:
- വാഹനങ്ങളുടെ ടയറുകൾ നല്ല നിലയിലാണെന്നും, അംഗീകൃത സ്പെസിഫിക്കേഷനുകൾ പാലിക്കുന്നുണ്ടെന്നും ഉറപ്പാക്കാൻ പതിവായി അവ പരിശോധിക്കേണ്ടതാണ്.
- ടയറിന്റെ ഉൽപ്പാദന തീയതിയും, അവയുടെ കാലാവധിയും ശ്രദ്ധിക്കുക.
- ടയറുകളിൽ ശുപാർശ ചെയ്യുന്ന വായു മർദ്ദം ഉറപ്പാക്കുക.
- അനുവദനീയമായ ഭാര പരിധിക്കപ്പുറം വാഹനത്തിൽ ഓവർലോഡ് കയറ്റാതിരിക്കുക.
- കേടായതോ പഴകിയതോ ആയ ടയറുകൾ ഉടനടി മാറ്റേണ്ടതാണ്.
