രാജ്യത്തിന്റെ വിവിധ പ്രദേശങ്ങളിൽ 2025 ഡിസംബർ 18, വ്യാഴാഴ്ച വരെ ഇടിയോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് സൗദി സിവിൽ ഡിഫെൻസ് മുന്നറിയിപ്പ് നൽകി. പ്രാദേശിക മാധ്യമങ്ങളാണ് ഇക്കാര്യം അറിയിച്ചത്.
ഈ കാലയളവിൽ റിയാദ്, ഖാസിം, ഹൈൽ, മദീന, മക്ക, അൽ ബാഹ, അസീർ, ജസാൻ തുടങ്ങിയ പ്രദേശങ്ങളിൽ അതിശക്തമായ മഴ, കാറ്റ്, പെട്ടന്നുള്ള വെള്ളപ്പൊക്കം, പൊടിക്കാറ്റ്, ആലിപ്പഴം പൊഴിയൽ എന്നിവയ്ക്ക് സാധ്യതയുണ്ട്. നോർത്തേൺ ബോർഡേഴ്സ്, അൽ ജൗഫ്, തബൂക് പ്രദേശങ്ങളിലും മഴയ്ക്ക് സാധ്യതയുണ്ട്.
ഈ കാലാവസ്ഥാ സാഹചര്യങ്ങൾ ചുരുങ്ങിയത് ഡിസംബർ 18 വരെയെങ്കിലും തുടരുന്നതിന് സാധ്യതയുള്ളതായി അധികൃതർ അറിയിച്ചിട്ടുണ്ട്.
