യു എ ഇയുടെ അമ്പത്തിനാലാമത് ദേശീയ ദിനാഘോഷവുമായി ബന്ധപ്പെട്ട് (ഈദ് അൽ ഇത്തിഹാദ്) എമിറേറ്റിലെ മെട്രോ ഉൾപ്പടെയുള്ള പൊതുഗതാഗത സംവിധാനങ്ങളുടെ സമയക്രമങ്ങളിൽ വരുത്തുന്ന മാറ്റങ്ങൾ സംബന്ധിച്ച് ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിപ്പ് നൽകി. 2025 നവംബർ 27-നാണ് RTA ഇക്കാര്യം അറിയിച്ചത്.
#RTA announces the operating hours of all services during 54th Eid Al Etihad (Union Day) holiday. The updated timings include Customer Happiness Centres, paid parking zones, public buses, Dubai Metro and Dubai Tram services, marine transport, and service provider centres (vehicle… pic.twitter.com/crFhLeJslm
— RTA (@rta_dubai) November 27, 2025
മെട്രോ സമയങ്ങൾ:
ദുബായ് മെട്രോയുടെ റെഡ് ലൈൻ, ഗ്രീൻ ലൈൻ സേവനങ്ങൾ താഴെ പറയുന്ന സമയക്രമം പാലിച്ചായിരിക്കും.
- 2025 നവംബർ 29, ശനിയാഴ്ച – രാവിലെ 05:00 മുതൽ പിറ്റേന്ന് 1:00 am വരെ.
- 2025 നവംബർ 30, ഞായറാഴ്ച – രാവിലെ 08:00 മുതൽ പിറ്റേന്ന് 1:00 am വരെ.
- 2025 ഡിസംബർ 1, 2 തീയതികളിൽ – രാവിലെ 05:00 മുതൽ പിറ്റേന്ന് 1:00 am വരെ.
ട്രാം സമയക്രമം:
- 2025 നവംബർ 29, ശനിയാഴ്ച – രാവിലെ 06:00 മുതൽ പിറ്റേന്ന് 1:00 am വരെ.
- 2025 നവംബർ 30, ഞായറാഴ്ച – രാവിലെ 09:00 മുതൽ പിറ്റേന്ന് 1:00 am വരെ.
- 2025 ഡിസംബർ 1, 2 തീയതികളിൽ – രാവിലെ 06:00 മുതൽ പിറ്റേന്ന് 1:00 am വരെ.
വാഹന പരിശോധനാ കേന്ദ്രങ്ങളും, കസ്റ്റമർ കെയർ സെന്ററുകളും:
RTA-യുടെ വാഹന പരിശോധനാ കേന്ദ്രങ്ങളും, കസ്റ്റമർ കെയർ സെന്ററുകളും ഡിസംബർ 1, ഡിസംബർ 2 എന്നീ തീയതികളിൽ അവധിയായിരിക്കും. അവധിക്ക് ശേഷം സേവനകേന്ദ്രങ്ങൾ, കസ്റ്റമർ ഹാപ്പിനെസ്സ് സെന്ററുകൾ എന്നിവ ഡിസംബർ 3 മുതൽ പ്രവർത്തനമാരംഭിക്കുന്നതാണ്.
എന്നാൽ ഉം രമൂൽ, ദെയ്റ, അൽ ബർഷ, അൽ തവർ എന്നിവിടങ്ങളിലും, RTA ഹെഡ് ഓഫീസിലും പ്രവർത്തിക്കുന്ന RTA-യുടെ സ്മാർട്ട് കസ്റ്റമർ ഹാപ്പിനെസ്സ് സെന്ററുകൾ 24 മണിക്കൂറും സേവനങ്ങൾ നൽകുന്നതാണ്.
പൊതു പാർക്കിംഗ്:
2025 ഡിസംബർ 1, തിങ്കളാഴ്ച്ച, ഡിസംബർ 2, ചൊവ്വാഴ്ച എന്നീ ദിനങ്ങളിൽ ദുബായിലെ ബഹുനില പാർക്കിംഗ് സംവിധാനങ്ങൾ ഒഴികെയുള്ള പാർക്കിംഗ് ഇടങ്ങൾ സൗജന്യമായിരിക്കും. 2025 ഡിസംബർ 3 മുതൽ പാർക്കിംഗ് ഫീസ് തിരികെ ഏർപ്പെടുത്തുന്നതാണ്.
Cover Image: Dubai RTA.
