യു എ ഇ ചാന്ദ്രപര്യവേഷണ ദൗത്യം: ലൂണാർ ലാൻഡറിൽ നിന്നുള്ള ആദ്യ സിഗ്നലുകൾ ലഭിച്ചു

യു എ ഇ ചാന്ദ്രപര്യവേഷണ ദൗത്യത്തിന്റെ ഭാഗമായി റാഷിദ് റോവറിനെ വഹിച്ച് കൊണ്ട് പോകുന്ന Hakuto-R M1 എന്ന ലൂണാർ ലാൻഡറിൽ നിന്നുള്ള ആദ്യ സിഗ്നലുകൾ ഗ്രൗണ്ട് സ്റ്റേഷനിൽ ലഭിച്ചതായി മുഹമ്മദ് ബിൻ റാഷിദ് സ്പേസ് സെന്റർ (MBRSC) അറിയിച്ചു. 2022 ഡിസംബർ 11-ന് വൈകീട്ട് 6:47-നാണ് MBRSC ഇക്കാര്യം സ്ഥിരീകരിച്ചത്.

The first signal for the mission was received. Signal from ispace, inc. lander carrying the Rashid Rover to the surface of the Moon was confirmed at the ground station.#EmiratesLunarMission#UAEtotheMoon pic.twitter.com/cferKdLMyC

— MBR Space Centre (@MBRSpaceCentre) December 11, 2022

വിക്ഷേപണത്തിന് ശേഷം റാഷിദ് റോവറിനെ വഹിച്ച് കൊണ്ട് പോകുന്ന ലൂണാർ ലാൻഡർ റോക്കറ്റിൽ നിന്ന് വിജയകരമായി വേർപിരിഞ്ഞതായി 2022 ഡിസംബർ 11-ന് ഉച്ചയ്ക്ക് 1:59 MBRSC അറിയിച്ചിരുന്നു.

Successful separation of the Spacecraft carrying the Rashid Rover from the Falcon 9 rocket.#EmiratesLunarMission#UAEtotheMoon

— MBR Space Centre (@MBRSpaceCentre) December 11, 2022

ജാപ്പനീസ് കമ്പനിയായ ഐസ്പേസാണ് ഈ ലൂണാർ ലാൻഡർ നിർമ്മിച്ചിരിക്കുന്നത്.

അറബ് ലോകത്തെ ആദ്യ ചാന്ദ്രപര്യവേഷണ ദൗത്യത്തിന് തുടക്കം കുറിച്ച്‌ കൊണ്ട് 2022 ഡിസംബർ 11 ഞായറാഴ്ച, യു എ ഇ സമയം രാവിലെ 11.38-ന് റാഷിദ് റോവർ ഫ്ലോറിഡയിലെ കേപ്പ് കാനവേറൽ സ്പേസ് സ്റ്റേഷനിൽ നിന്ന് വിജയകരമായി വിക്ഷേപിച്ചിരുന്നു.

യു എ ഇ: ചാന്ദ്രപര്യവേഷണ ദൗത്യത്തിന് തുടക്കം; റാഷിദ് റോവർ വിക്ഷേപിച്ചു

ഒരു സ്പേസ്എക്സ് ഫാൽക്കൺ 9 റോക്കറ്റാണ് ഈ വിക്ഷേപണത്തിനായി ഉപയോഗിച്ചത്. റാഷിദ് റോവർ 2023 ഏപ്രിലിൽ ചന്ദ്രോപരിതലത്തിലെത്തിച്ചേരുമെന്നാണ് പ്രതീക്ഷിക്കുന്നത്.

ചന്ദ്രോപരിതലത്തിൽ 47.5°N, 44.4°E എന്ന സ്ഥാനത്ത് സ്ഥിതിചെയ്യുന്ന അറ്റ്ലസ് ക്രേറ്ററിലാണ് റാഷിദ് റോവർ ഇറങ്ങുന്നതെന്നും MBRSC സ്ഥിരീകരിച്ചിട്ടുണ്ട്. ചന്ദ്രോപരിതലത്തിലെ മണ്ണിന്റെ ഘടന സംബന്ധിച്ച സമഗ്രമായ പഠനം ലക്ഷ്യമിട്ട് യു എ ഇ അറബ് ലോകത്തെ ആദ്യ ചാന്ദ്രപര്യവേഷണത്തിനൊരുങ്ങുന്നതായി 2020 നവംബറിൽ MBRSC അറിയിച്ചിരുന്നു.

Cover Image: MBRSC.