ഇന്ത്യയിൽ നിന്ന് യു എ ഇയിലേക്കുള്ള വിമാനസർവീസുകൾക്ക് ഏർപ്പെടുത്തിയ വിലക്കുകൾ ഇനി ഒരു അറിയിപ്പുണ്ടാകുന്നത് വരെ തുടരുമെന്ന് ഇത്തിഹാദ്

ഇന്ത്യയിൽ നിന്ന് യു എ ഇയിലേക്കുള്ള വിമാനസർവീസുകൾക്ക് ഏർപ്പെടുത്തിയിട്ടുള്ള വിലക്കുകൾ ഇനി ഒരു അറിയിപ്പുണ്ടാകുന്നത് വരെ തുടരുമെന്ന് ഇത്തിഹാദ് എയർവേസ് അറിയിച്ചു. ഇത്തിഹാദ് എയർവേസ് കസ്റ്റമർ സപ്പോർട്ട് ട്വിറ്ററിലൂടെയാണ് അധികൃതർ ഇക്കാര്യം വ്യക്തമാക്കിയിട്ടുള്ളത്.

Hi there, as of now our flights from India to the UAE and Etihad's network have been suspended until further notice, and we will resume our flights as per the local government's further directives. Please the latest update on our website https://t.co/hWA7ZGfiaF. Thank you. *Zoe

— Etihad Help (@EtihadHelp) July 29, 2021

ഇന്ത്യ-യു എ ഇ വിമാനസേവനങ്ങളെക്കുറിച്ച് യാത്രികരുടെ സംശയങ്ങൾക്ക് ജൂലൈ 29-ന് രാവിലെ നൽകിയ മറുപടിയിലാണ് ഇത്തിഹാദ് കസ്റ്റമർ സപ്പോർട്ട് ഇക്കാര്യം അറിയിച്ചിട്ടുള്ളത്. നിലവിൽ തങ്ങളുടെ വിമാനസർവീസുകൾക്കുള്ള ഈ വിലക്ക് ഇനി ഒരു അറിയിപ്പുണ്ടാകുന്നത് വരെ തുടരുമെന്നാണ് ഇത്തിഹാദ് എയർവേസ് കസ്റ്റമർ സപ്പോർട്ട് ജൂലൈ 29-ന് രാവിലെ നൽകിയിട്ടുള്ള മറുപടിയിൽ വ്യക്തമാക്കുന്നത്. നേരത്തെ ഈ വിലക്കുകൾ 2021 ഓഗസ്റ്റ് 2 വരെ തുടരുമെന്ന് ഇത്തിഹാദ് എയർവേസ് ജൂലൈ 27-ന് അറിയിച്ചിരുന്നു.

https://www.etihad.com/en-in/travel-updates/all-destinations-travel-guides എന്ന വിലാസത്തിലെ യാത്രാ നിബന്ധനകളിൽ ഇന്ത്യയിൽ നിന്ന് യു എ ഇയിലേക്കുള്ള വിമാനസർവീസുകൾക്ക് ഏർപ്പെടുത്തിയിട്ടുള്ള വിലക്കുകൾ 2021 ഓഗസ്റ്റ് 2 വരെ തുടരുമെന്നാണ് നിലവിൽ വ്യക്തമാക്കിയിരിക്കുന്നത് (അവസാനമായി പരിശോധിച്ചത്: ജൂലൈ 29 രാവിലെ യു എ ഇ സമയം 9:00-ന്).

അതേസമയം, ഇന്ത്യയിൽ നിന്ന് യു എ ഇയിലേക്കുള്ള തങ്ങളുടെ വിമാനസർവീസുകൾ 2021 ഓഗസ്റ്റ് 7 വരെ നിർത്തിവെച്ചതായി എമിറേറ്റ്സ് കസ്റ്റമർ സപ്പോർട്ട് ജൂലൈ 29-ന് രാവിലെ വ്യക്തമാക്കിയിട്ടുണ്ട്. ഇന്ത്യയിൽ നിന്ന് നേരിട്ടെത്തുന്ന യാത്രികർക്കും, 14 ദിവസത്തിനിടയിൽ ഇന്ത്യ സന്ദർശിച്ചിട്ടുള്ള യാത്രികർക്കും ദുബായിലേക്ക് ഈ കാലയളവിൽ യാത്രാ സേവനങ്ങൾ നൽകില്ലെന്നും എമിറേറ്റ്സ് കൂട്ടിച്ചേർത്തു.

Hi, our flights from India are suspended until the 07th of August for now. Also, passengers who've been in or transitted through India, won't be accepted to travel to or transit via Dubai. Please keep an eye on the travel updates here https://t.co/8TeGwtZwYj.

— Emirates Support (@EmiratesSupport) July 29, 2021

https://www.emirates.com/ae/english/help/travel-updates/#4427 എന്ന വിലാസത്തിലും ഈ ഔദ്യോഗിക അറിയിപ്പ് ലഭ്യമാണ്. ഇന്ത്യ, ബംഗ്ലാദേശ്, പാകിസ്ഥാൻ, ശ്രീലങ്ക എന്നിവിടങ്ങളിൽ നിന്ന് ദുബായിലേക്കുള്ള തങ്ങളുടെ വിമാന സർവീസുകൾ ഓഗസ്റ്റ് 7 വരെ താത്കാലികമായി നിർത്തലാക്കിയതായി ഈ അറിയിപ്പിൽ വ്യക്തമാക്കിയിട്ടുണ്ട്. യു എ ഇ പൗരന്മാർ, ഡിപ്ലോമാറ്റിക് പാസ്പോർട്ട് ഉള്ളവർ, പ്രത്യേക അനുമതിയുള്ള ഔദ്യോഗിക സന്ദർശകർ, ഗോൾഡൻ വിസകളിലുള്ളവർ, തുടങ്ങിയ വിഭാഗങ്ങൾക്ക് പ്രത്യേക സുരക്ഷാ മാനദണ്ഡങ്ങളോടെ ഈ രാജ്യങ്ങളിൽ നിന്ന് യു എ ഇയിലേക്ക് പ്രവേശിക്കുന്നതിന് ഇളവ് നൽകിയേക്കാമെന്നും ഈ അറിയിപ്പിൽ പറയുന്നു.

2021 ഏപ്രിൽ 24 മുതലാണ് ഇന്ത്യയിൽ നിന്ന് യു എ ഇയിലേക്കുള്ള വിമാന സർവീസുകൾക്ക് യു എ ഇ വ്യോമയാന വകുപ്പ് പ്രവേശന വിലക്കേർപ്പെടുത്തിയത്. COVID-19 വൈറസിന്റെ ഡെൽറ്റ വകഭേദം വ്യാപിക്കുന്ന പശ്ചാത്തലത്തിൽ ഈ വിലക്കുകൾ തുടരാൻ യു എ ഇ തീരുമാനിക്കുകയായിരുന്നു.