യു എ ഇ: പൊതുമാപ്പ് സംബന്ധിച്ച് ഇന്ത്യൻ കോൺസുലേറ്റ് അറിയിപ്പ് പുറത്തിറക്കി

യു എ ഇ സർക്കാർ പ്രഖ്യാപിച്ചിട്ടുള്ള പൊതുമാപ്പ് പദ്ധതി പ്രയോജനപ്പെടുത്താൻ ആഗ്രഹിക്കുന്ന ഇന്ത്യൻ പ്രവാസികൾക്കായി ദുബായിലെ കോൺസുലേറ്റ് ജനറൽ ഓഫ് ഇന്ത്യ ഒരു പ്രത്യേക അറിയിപ്പ് പുറത്തിറക്കി.

https://twitter.com/cgidubai/status/1829941610916036734

റെസിഡൻസി വിസ ലംഘനങ്ങൾ നടത്തിയിട്ടുള്ളവർക്കായി യു എ ഇ പ്രഖ്യാപിച്ചിട്ടുളള രണ്ട് മാസത്തെ പൊതുമാപ്പ് കാലാവധി 2024 സെപ്റ്റംബർ 1-ന് പ്രാബല്യത്തിൽ വന്ന സാഹചര്യത്തിലാണ് ഇന്ത്യൻ കോൺസുലേറ്റ് ഈ അറിയിപ്പ് നൽകിയത്.

ദുബായിലെ ഇന്ത്യൻ കോൺസുലേറ്റ് പുറത്തിറക്കിയ ഈ അറിയിപ്പിൽ താഴെ പറയുന്ന കാര്യങ്ങളാണ് അറിയിച്ചിരിക്കുന്നത്:

ഇന്ത്യയിലേക്ക് മടങ്ങാൻ ആഗ്രഹിക്കുന്ന അപേക്ഷകർക്ക് എമെർജൻസി സർട്ടിഫിക്കറ്റിനായി (EC) അപേക്ഷിക്കാവുന്നതാണ്. തങ്ങളുടെ റസിഡൻസി സ്റ്റാറ്റസ് സംബന്ധിച്ച രേഖകൾ പുതുക്കി കൊണ്ട് യു എ ഇയിൽ തുടരാൻ ആഗ്രഹിക്കുന്ന അപേക്ഷകർക്ക് ഷോർട് വാലിഡിറ്റി പാസ്സ്പോർട്ടിന് അപേക്ഷിക്കാവുന്നതാണ്.
അപേക്ഷകർക്ക് കോൺസുലേറ്റിൽ നിന്ന് സൗജന്യമായി എമെർജൻസി സർട്ടിഫിക്കറ്റിന് അപേക്ഷിക്കാവുന്നതാണ്. ഇതുമായി ബന്ധപ്പെട്ട നടപടിക്രമങ്ങൾ ലഘൂകരിക്കുന്നതിനുള്ള പ്രത്യേക ഫെസിലിറ്റേഷൻ കൗണ്ടറുകൾ ദുബായിലെ കോൺസുലേറ്റ് ജനറൽ ഓഫ് ഇന്ത്യ ഓഫീസിലും, ദുബായിലെ അവിർ ഇമ്മിഗ്രേഷൻ സെന്ററിലും ഏർപ്പെടുത്തുന്നതാണ്. കോൺസുലേറ്റിലെ ഈ ഫെസിലിറ്റേഷൻ കൗണ്ടറുകളിൽ നിന്ന് സെപ്റ്റംബർ 2 മുതൽ രാവിലെ 8 മണി മുതൽ വൈകീട്ട് 6 മണിവരെ സേവനങ്ങൾ ലഭ്യമാക്കുന്നതാണ്.
അപേക്ഷകൾ സമർപ്പിച്ചതിന്റെ പിറ്റേന്ന് ഉച്ചയ്ക്ക് 2 മണിമുതൽ വൈകീട്ട് 4 മണിവരെയുള്ള കാലയളവിൽ കോൺസുലേറ്റ് ജനറൽ ഓഫ് ഇന്ത്യ ഓഫീസിൽ നിന്ന് എമെർജൻസി സർട്ടിഫിക്കറ്റ് കൈപ്പറ്റാവുന്നതാണ്.
ഷോർട് വാലിഡിറ്റി പാസ്സ്പോർട്ടിന് അപേക്ഷിക്കാൻ ആഗ്രഹിക്കുന്നവർക്ക് ദുബായിലെയും നോർത്തേൺ എമിറേറ്റുകളിലെയും BLS കേന്ദ്രങ്ങളിൽ നേരിട്ടെത്തി വാക്-ഇൻ അടിസ്ഥാനത്തിൽ അപേക്ഷകൾ സമർപ്പിക്കാവുന്നതാണ്. ഇതിനായി മുൻ‌കൂർ അനുമതി ആവശ്യമില്ല. BLS കേന്ദ്രങ്ങളുടെ പട്ടിക കോൺസുലേറ്റ് ജനറൽ ഓഫ് ഇന്ത്യയുടെ ഔദ്യോഗിക വെബ്‌സൈറ്റിൽ നിന്ന് ലഭ്യമാണ്.
ദുബായിലെയും നോർത്തേൺ എമിറേറ്റുകളിലെയും BLS കേന്ദ്രങ്ങൾ ഈ പൊതുമാപ്പ് പദ്ധതിയുടെ കാലയളവിൽ ഇവ പ്രയോജനപ്പെടുത്താൻ ആഗ്രഹിക്കുന്ന പ്രവാസികൾക്ക് സേവനങ്ങൾ നൽകുന്നതിനായി ഞായറാഴ്ചകളിൽ രാവിലെ 9 മുതൽ വൈകീട്ട് 5 മണിവരെ പ്രവർത്തിക്കുന്നതാണ്.

യാത്രാ രേഖകൾ ലഭിക്കുന്നതിന്റെ നടപടിക്രമങ്ങൾ സംബന്ധിച്ച സംശയങ്ങൾക്കായി 050-9433111 എന്ന നമ്പറിൽ (രാവിലെ 8 മുതൽ വൈകീട്ട് 6 വരെ) ബന്ധപ്പെടാവുന്നതാണ്. 800-46342 എന്ന PBSK ഹെല്പ് ലൈൻ നമ്പറിലും ബന്ധപ്പെടാവുന്നതാണ്.

ഇതിന് പുറമെ പൊതുമാപ്പ് സംബന്ധിച്ച വിവിധ മാർഗനിർദ്ദേശങ്ങൾക്കായി വിവിധ ഇന്ത്യൻ സംഘടനകളുടെ പ്രതിനിധികളെ താഴെ പറയുന്ന നമ്പറുകളിൽ ബന്ധപ്പെടാമെന്നും ഇന്ത്യൻ കോൺസുലേറ്റ് അറിയിപ്പിൽ വ്യക്തമാക്കുന്നു:

Indian Social Club, Fujairah: Hashim – 050-3901330.
Indian Relief Committee, RAas Al Khaimah: Padmaraj – 056-1464275.
Indian Association, Ajman: Roop Sidhu – 050-6330466.
Indian Association, Sharjah: Hari – 050-7866591/06-5610845.
Indian Association, Umm Al Quwain: Sajad Nattika – 050 5761505.
Indian Social Club, Khorfakkan: Binoy Philip – 055-3894101.
Indian Social Cultural Centre, Kalba: Zainuddin – 050-6708008.

റെസിഡൻസി വിസ ലംഘനങ്ങൾ നടത്തിയിട്ടുള്ളവർക്കായി യു എ ഇ പ്രഖ്യാപിച്ചിട്ടുളള രണ്ട് മാസത്തെ പൊതുമാപ്പ് കാലാവധി 2024 സെപ്റ്റംബർ 1-ന് പ്രാബല്യത്തിൽ വന്നിരുന്നു.

യു എ ഇ: രണ്ട് മാസത്തെ പൊതുമാപ്പ് കാലാവധി സെപ്റ്റംബർ 1-ന് പ്രാബല്യത്തിൽ വരും

വിസ കാലാവധി സംബന്ധിച്ച ലംഘനങ്ങൾ നടത്തിയിട്ടുള്ള റെസിഡൻസി, വിസിറ്റ് ഉൾപ്പടെ എല്ലാ വിഭാഗം വിസകളിലുള്ളവർക്കും ഈ പദ്ധതി പ്രയോജനപ്പെടുത്താവുന്നതാണ്.

യു എ ഇയിലെ റെസിഡൻസി നിയമങ്ങൾ ലംഘിച്ചിട്ടുള്ള പ്രവാസികൾക്ക് 2024 സെപ്റ്റംബർ 1 മുതൽ ഒക്ടോബർ 30 വരെയുള്ള രണ്ട് മാസത്തെ കാലയളവിലാണ് ഈ പൊതുമാപ്പ് ഉപയോഗിക്കാൻ അവസരം ലഭിക്കുന്നത്. ഈ പദ്ധതിയുടെ ആനുകൂല്യം ലഭിക്കുന്നവർക്ക് തങ്ങളുടെ വിസ പുതുക്കുന്നതിനോ, നിയമപരമായി രാജ്യം വിടുന്നതിനോ 14 ദിവസത്തെ സമയം ലഭിക്കുന്നതാണ്.