2022 ഓഗസ്റ്റ് 15 മുതൽ ഖോർഫക്കാനിലെ ഏതാനം ഇടങ്ങളിൽ വാഹന പാർക്കിംഗ് ഫീസ് ഏർപ്പെടുത്താൻ തീരുമാനിച്ചു. ഖോർഫക്കാൻ മുനിസിപ്പാലിറ്റിയാണ് ഇത് സംബന്ധിച്ച അറിയിപ്പ് നൽകിയത്.
ഈ അറിയിപ്പ് പ്രകാരം, ഖോർഫക്കാനിലെ താഴെ പറയുന്ന ഇടങ്ങളിലാണ് പാർക്കിംഗ് ഫീസ് ഏർപ്പെടുത്തുന്നത്:
- ഷെയ്ഖ് ഖാലിദ് സ്ട്രീറ്റ് – വെള്ളിയാഴ്ച്ചകളിൽ ഒഴികെ എല്ലാ ദിവസവും, രാവിലെ 8 മുതൽ രാത്രി 10 വരെ.
- കോർണിഷ് സ്ട്രീറ്റ് – എല്ലാ ദിവസവും, രാവിലെ 8 മുതൽ രാത്രി 10 വരെ.
- ഷീസ് പാർക്ക് – എല്ലാ ദിവസവും, രാവിലെ 8 മുതൽ രാത്രി 10 വരെ.
- അൽ റാഫിസാഹ് ഡാം – എല്ലാ ദിവസവും, രാവിലെ 8 മുതൽ രാത്രി 10 വരെ.
താഴെ പറയുന്ന രീതിയിലാണ് പാർക്കിംഗ് ഫീസ് ഈടാക്കുന്നത്:
- ഒരു മണിക്കൂർ പാർക്ക് ചെയ്യുന്നതിന് – 2 ദിർഹം.
- രണ്ട് മണിക്കൂർ പാർക്ക് ചെയ്യുന്നതിന് – 5 ദിർഹം.
- മൂന്ന് മണിക്കൂർ പാർക്ക് ചെയ്യുന്നതിന് – 8 ദിർഹം.
- അഞ്ച് മണിക്കൂർ പാർക്ക് ചെയ്യുന്നതിന് – 12 ദിർഹം.
