ഒമാനിലെ പുതിയ ഇന്ത്യൻ സ്ഥാനപതിയായി ശ്രീ. അമിത് നാരംഗ് ചുമതലയേൽക്കുമെന്ന് ഇന്ത്യൻ വിദേശകാര്യ മന്ത്രാലയം അറിയിച്ചു. നിലവിൽ ഒമാനിലെ ഇന്ത്യൻ അംബാസഡറായ H.E. മുനു മഹാവർ മാലിദ്വീപിലെ ഹൈകമ്മീഷണറായി ചുമതലയേൽക്കുമെന്നും ഇന്ത്യൻ വിദേശകാര്യ മന്ത്രാലയം അറിയിച്ചിട്ടുണ്ട്.
സെപ്റ്റംബർ 15-ന് വൈകീട്ടാണ് വിദേശകാര്യ മന്ത്രാലയം ഇക്കാര്യം അറിയിച്ചത്. 2001 ഇന്ത്യൻ ഫോറിൻ സർവീസ് ബാച്ചിലെ അംഗമായിരുന്ന ശ്രീ. അമിത് നാരംഗ് നിലവിൽ വിദേശകാര്യ മന്ത്രാലയത്തിൽ ജോയിന്റ് സെക്രട്ടറിയാണ്.
അടുത്ത് തന്നെ അദ്ദേഹം ഒമാൻ അംബാസഡറായി ചുമതലയേൽക്കുന്നതാണ്.
