ഫിഫ വേൾഡ് കപ്പ് ഖത്തർ 2022 ടൂർണമെന്റ്റ് നടക്കുന്ന കാലയളവിൽ ദോഹ കോർണിഷിൽ എല്ലാ ദിവസവും പ്രത്യേക വാട്ടർ ഷോ സംഘടിപ്പിക്കുമെന്ന് അധികൃതർ അറിയിച്ചു. 2022 ഒക്ടോബർ 7-നാണ് സുപ്രീം കമ്മിറ്റി ഫോർ ഡെലിവറി ആൻഡ് ലെഗസി ഇത് സംബന്ധിച്ച അറിയിപ്പ് നൽകിയത്.
2022 നവംബർ 20 മുതൽ ഡിസംബർ 18 വരെയുള്ള ദിനങ്ങളിലാണ് ദോഹ കോർണിഷിൽ പ്രത്യേക ആഘോഷപരിപാടികൾ സംഘടിപ്പിക്കുന്നത്. പ്രത്യേക കാഴ്ചാനുഭവങ്ങൾ നിറഞ്ഞ ലോകത്തെ തന്നെ ഏറ്റവും വലിയ വാട്ടർ ഷോയായിരിക്കും ഇതെന്ന് സംഘാടകർ വ്യക്തമാക്കിയിട്ടുണ്ട്.
2022 നവംബർ 20 മുതൽ ഡിസംബർ 18 വരെ ദോഹ കോർണിഷിൽ താഴെ പറയുന്ന സമയങ്ങളിലായാണ് ദിനവും ഈ ഷോ സംഘടിപ്പിക്കുന്നത്:
- 3:00 pm.
- 3:30 pm.
- 4:00 pm.
- 4:30 pm.
- 5:00 pm.
- 5:30 pm.
- കൂടാതെ രാത്രി 9 മണിക്ക് പ്രത്യേക നൈറ്റ് ഷോ.
ഫിഫ വേൾഡ് കപ്പ് 2022 ടൂർണമെന്റ് നടക്കുന്ന കാലയളവിൽ ദോഹ കോർണിഷിലേക്ക് വാഹനങ്ങൾ പ്രവേശിക്കുന്നതിന് അനുമതിയുണ്ടായിരിക്കില്ലെന്ന് ഖത്തർ അധികൃതർ നേരത്തെ വ്യക്തമാക്കിയിട്ടുണ്ട്.
