നവീകരണ പ്രവർത്തനങ്ങൾ പൂർത്തിയാക്കിയ ഓൾഡ് ദുബായ് സൂഖ്, അൽ സബ്ക മറൈൻ ട്രാൻസ്പോർട് സ്റ്റേഷനുകൾ ഉദ്ഘാടനം ചെയ്തു. 2025 സെപ്റ്റംബർ 1-നാണ് ദുബായ് റോഡ്സ് ആൻഡ് ട്രാൻസ്പോർട് അതോറിറ്റി (RTA) ഈ സ്റ്റേഷനുകൾ ഉദ്ഘാടനം ചെയ്തത്.
RTA inaugurates Old Dubai Souq and Al Sabkha marine transport stations, which serve the marine transport network along Dubai Creek. As part of its final development phase, RTA expanded shaded waiting areas by 50%, created new investment spaces, to fulfil the requirements of… pic.twitter.com/HoWXTPuVCa
— Dubai Media Office (@DXBMediaOffice) September 1, 2025
ദുബായ് ക്രീക്ക് മറൈൻ ട്രാൻസ്പോർട് ശൃംഖലയിലെ സ്റ്റേഷനുകളുടെ നവീകരണ പ്രവർത്തനങ്ങളുടെ അവസാന ഘട്ടത്തിന്റെ ഭാഗമായാണ് ഈ സ്റ്റേഷനുകൾ തുറന്ന് കൊടുത്തത്. ഇതിന്റെ മുൻ ഘട്ടങ്ങളിൽ ബർ ദുബായ്, ഓൾഡ് ദെയ്റ മറൈൻ ട്രാൻസ്പോർട് സ്റ്റേഷനുകൾ നവീകരിച്ചിരുന്നു.
ദുബായിലെ ജലഗതാഗത സംവിധാനങ്ങൾ ഉപയോഗിക്കുന്ന യാത്രികർക്ക് കൂടുതൽ മികച്ച സൗകര്യങ്ങൾ ഏർപ്പെടുത്തുന്നതിന്റെ ഭാഗമായാണ് ഈ നടപടി. ഈ നവീകരണ പ്രവർത്തനങ്ങളുടെ ഭാഗമായി യാത്രികരുടെ കാത്തിരിപ്പ് മേഖലകളുടെ വിസ്തീർണം അമ്പത് ശതമാനം കൂട്ടിയിട്ടുണ്ട്.
ഇതോടൊപ്പം സ്റ്റേഷനുകളിലെ ലൈറ്റുകൾ നവീകരിക്കുകയും, പരമ്പരാഗത അബ്രകൾ പ്രവർത്തിപ്പിക്കുന്നവർക്കായുള്ള എയർ കണ്ടീഷൻ ചെയ്ത റസ്റ്റ് ഏരിയകൾ നിർമ്മിക്കുകയും ചെയ്തിട്ടുണ്ട്.
Cover Image: Dubai Media Office.
