പൊതുസമൂഹവുമായുള്ള ബന്ധങ്ങൾ കൂടുതൽ ദൃഢമാക്കുന്നതിനായി ഷാർജ പോലീസ് ഒരു പുതിയ കമ്മ്യൂണിറ്റി പട്രോൾ പദ്ധതിയ്ക്ക് തുടക്കമിട്ടു. 2025 ജൂൺ 24-നാണ് ഷാർജ പോലീസ് ഇക്കാര്യം അറിയിച്ചത്.
انطلاقة مجتمعية نوعية
— شرطة الشارقة (@ShjPolice) June 24, 2025
شرطة الشارقة تعزز الشراكة المجتمعية عبر دورياتها الجديدةhttps://t.co/iTKVOplueR pic.twitter.com/TzKDWEjCM4
പോലീസുമായുള്ള പൊതുജനങ്ങളുടെ ആശയവിനിമയം കൂടുതൽ പ്രോത്സാഹിപ്പിക്കുന്നതിനും, ഇതിലൂടെ പൊതുജനങ്ങൾക്കിടയിൽ നിന്ന് വിവിധ സംഭവങ്ങൾ സംബന്ധിച്ച പോലീസിലേക്കുള്ള റിപ്പോർട്ടിങ് കൂടുതൽ സുഗമമാക്കുന്നതിനും ഇതിലൂടെ ലക്ഷ്യമിടുന്നു.
ഷാർജ പോലീസ് കമാണ്ടർ ഇൻ ചീഫ് മേജർ ജനറൽ അബ്ദുല്ല മുബാറക് ബിൻ അമീറിന്റെ നേതൃത്വത്തിലാണ് ഈ പുതിയ കമ്മ്യൂണിറ്റി പട്രോൾ പദ്ധതി ആരംഭിച്ചിരിക്കുന്നത്. പൊതുജനങ്ങൾക്കായി കൂടുതൽ മികച്ച പട്രോളിംഗ് സംവിധാനങ്ങൾ ഏർപ്പെടുത്തുന്നതിനും, സമൂഹത്തിൽ ഇവരുടെ സാന്നിദ്ധ്യം കൂട്ടുന്നതിനും, സമൂഹത്തിനിടയിൽ സാമൂഹിക സുരക്ഷ, മുൻകരുതൽ എന്നിവ സംബന്ധിച്ച ഒരു സംസ്കാരം വളർത്തുന്നതിനും ഇതിലൂടെ സാധിക്കുമെന്നാണ് അധികൃതർ പ്രതീക്ഷിക്കുന്നത്.
Cover Image: Screengrab from video shared by @ShjPolice.
