എമിറേറ്റിലെ ഏതാനം പാർക്കിംഗ് മേഖലകളിലെ പെയ്‌ഡ്‌ പാർക്കിംഗ് സമയം അടുത്ത മാസം മുതൽ നീട്ടാൻ ഷാർജ മുനിസിപ്പാലിറ്റി തീരുമാനിച്ചു. 2024 ഒക്ടോബർ 27-നാണ് ഷാർജ സിറ്റി മുനിസിപ്പാലിറ്റി അധികൃതർ ഇക്കാര്യം അറിയിച്ചത്.
ഈ അറിയിപ്പ് പ്രകാരം, നീല നിറത്തിലുള്ള അടയാള ബോർഡുകൾ സ്ഥാപിച്ചിട്ടുള്ള പാർക്കിംഗ് ഇടങ്ങളിൽ (7 ഡേ സോൺ) വാഹനങ്ങൾ പാർക്ക് ചെയ്യുന്നതിന് പാർക്കിംഗ് ഫീസ് ഈടാക്കുന്ന സമയം അർദ്ധരാത്രിവരെ നീട്ടിയിട്ടുണ്ട്. ഈ തീരുമാനം 2024 നവംബർ 1-ന് പ്രാബല്യത്തിൽ വരുന്നതാണ്.
ഇതോടെ ഇത്തരം പാർക്കിംഗ് ഇടങ്ങളിൽ രാവിലെ 8 മണിമുതൽ രാത്രി 12 മണിവരെ വാഹനങ്ങൾ പാർക്ക് ചെയ്യുന്നതിന് പാർക്കിംഗ് ഫീസ് ബാധകമാകുന്നതാണ്. ഇത്തരം ഇടങ്ങളിൽ വാഹനം പാർക്ക് ചെയ്യുന്നതിന് രാവിലെ 8 മണിമുതൽ രാത്രി 10 മണിവരെയാണ് നിലവിൽ പാർക്കിംഗ് ഫീസ് ഈടാക്കുന്നത്.
