നബിദിനവുമായി ബന്ധപ്പെട്ട്, 2021 ഒക്ടോബർ 21, വ്യാഴാഴ്ച്ച എമിറേറ്റിലെ പൊതു പാർക്കിംഗ് സംവിധാനങ്ങൾ സൗജന്യമാക്കിയതായി ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിച്ചു. ദുബായിലെ ബഹുനില പാർക്കിംഗ് സംവിധാനങ്ങൾ ഒഴികെയുള്ള പാർക്കിംഗ് ഇടങ്ങൾക്ക് ഈ തീരുമാനം ബാധകമാണ്.
ഒക്ടോബർ 19-ന് രാത്രിയാണ് RTA ഇക്കാര്യം അറിയിച്ചത്. നബിദിനം പ്രമാണിച്ച് 2021 ഒക്ടോബർ 21, വ്യാഴാഴ്ച്ച യു എ ഇയിലെ പൊതു സ്വകാര്യ മേഖലകളിലെ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്.
RTA-യുടെ കീഴിലുള്ള സേവന കേന്ദ്രങ്ങൾ, കസ്റ്റമർ ഹാപ്പിനെസ്സ് കേന്ദ്രങ്ങൾ എന്നിവയ്ക്ക് ഒക്ടോബർ 21-ന് അവധി പ്രഖ്യാപിച്ചിട്ടുണ്ട്.
