ഖത്തർ നാഷണൽ ഡേ ഒരുക്കങ്ങളുടെ ഭാഗമായി 2021 ഡിസംബർ 17 വെള്ളിയാഴ്ച്ച കോർണിഷ് റോഡിൽ ഭാഗിക ഗതാഗത നിയന്ത്രണം ഏർപ്പെടുത്തുമെന്ന് അധികൃതർ അറിയിച്ചു. ഡിസംബർ 16-ന് രാത്രി ഖത്തർ ആഭ്യന്തര മന്ത്രാലയമാണ് ഇക്കാര്യം അറിയിച്ചത്.
താഴെ പറയുന്ന രീതിയിലാണ് കോർണിഷ് റോഡിൽ ഡിസംബർ 17-ന് ഭാഗിക ഗതാഗത നിയന്ത്രണം ഏർപ്പെടുത്തുന്നത്:
രാവിലെ 6:30 മുതൽ 9:30 വരെ – ക്യൂ-പോസ്റ്റ് ഇന്റർസെക്ഷൻ മുതൽ അൽ ദിവാൻ ഇന്റർസെക്ഷൻ വരെയുള്ള (റെഡ് സ്ട്രീറ്റ് ഉൾപ്പടെ) കോർണിഷ് റോഡിലും അതിലേക്ക് നയിക്കുന്ന റോഡുകളിലും ഭാഗിക ഗതാഗത നിയന്ത്രണം ഏർപ്പെടുത്തും.
ഉച്ചയ്ക്ക് 1:00 മുതൽ വൈകീട്ട് 5:30 വരെ – നാഷണൽ തിയേറ്റർ ഇന്റർസെക്ഷൻ മുതൽ അമീരി ദിവാൻ ഇന്റർസെക്ഷൻ വരെയുള്ള (റെഡ് സ്ട്രീറ്റ് ഉൾപ്പടെ) ഭാഗങ്ങളിൽ ഭാഗിക ഗതാഗത നിയന്ത്രണം ഏർപ്പെടുത്തും.
