കുവൈറ്റിനെയും, സൗദി അറേബ്യയെയും തമ്മിൽ ബന്ധിപ്പിക്കുന്ന ഒരു അതിവേഗ റെയിൽ പാത നിർമ്മിക്കുന്നതിനുള്ള പദ്ധതിയ്ക്ക് സൗദി സർക്കാർ അംഗീകാരം നൽകി. സൗദി പ്രസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
സൗദി കിരീടാവകാശി പ്രിൻസ് മുഹമ്മദ് ബിൻ സൽമാന്റെ നേതൃത്വത്തിൽ ചേർന്ന ക്യാബിനറ്റ് യോഗത്തിലാണ് ഈ തീരുമാനം. ഇത്തരം ഒരു റെയിൽ പാത നിർമ്മിക്കുന്നതിനുള്ള ഉടമ്പടിയ്ക്ക് ഏതാനം മാസങ്ങൾക്ക് മുൻപ് കുവൈറ്റ് സർക്കാർ അംഗീകാരം നൽകിയിരുന്നു.
ഇരു രാജ്യങ്ങളെയും തമ്മിൽ ബന്ധിപ്പിച്ച് കൊണ്ട് സുരക്ഷിതവും, ഫലപ്രദവുമായ റെയിൽ ഗതാഗത സൗകര്യം നൽകുന്നതിന് ഈ പദ്ധതി ഏറെ പ്രയോജനകരമാകുമെന്നാണ് കരുതുന്നത്. റിയാദിനെയും, കുവൈറ്റ് നഗരത്തെയും ബന്ധിപ്പിക്കുന്ന രീതിയിലുള്ള ഒരു ബുള്ളറ്റ് ട്രെയിൻ സർവീസാണ് ഈ പദ്ധതിയുടെ ഭാഗമായി വിഭാവനം ചെയ്യുന്നത്.
Cover Image: Saudi Press Agency.
