മൂന്നാമത് അബുദാബി മൊമെന്റ്‌സ്‌ 2023 നവംബർ 17-ന് ആരംഭിക്കുമെന്ന് അതോറിറ്റി ഓഫ് സോഷ്യൽ കോൺട്രിബൂഷൻ അറിയിച്ചു. 2023 നവംബർ 13-നാണ് അബുദാബി മീഡിയ ഓഫീസ് ഇക്കാര്യം അറിയിച്ചത്.
സാമൂഹിക പങ്കാളിത്തത്തോടെ നടത്തുന്ന ഈ പരിപാടി അബുദാബിയിലെ സമൂഹത്തിലെ വൈവിധ്യത്തിന്റെ ആഘോഷമാണ്. 2023 നവംബർ 17 മുതൽ നവംബർ 19 വരെ അബുദാബി ഖലീഫ സിറ്റിയിലെ ഖലീഫ സ്‌ക്വയറിൽ വെച്ചാണ് അബുദാബി മൊമെന്റ്‌സ്‌ സംഘടിപ്പിക്കുന്നത്.
ഇതിന്റെ ഭാഗമായി വിനോദ പരിപാടികൾ, കായിക മത്സരങ്ങൾ, സാംസ്കാരിക ആഘോഷ പരിപാടികൾ തുടങ്ങിയവ അരങ്ങേറുന്നതാണ്. അബുദാബി മൊമെന്റ്‌സ്‌ സംബന്ധിച്ച കൂടുതൽ വിവരങ്ങൾ https://www.abudhabimoments.ae/ എന്ന വിലാസത്തിൽ ലഭ്യമാണ്.
Cover Image: Abu Dhabi Media Office.
