അൽ ബൈത് സ്റ്റേഡിയത്തിൽ വെച്ച് നടന്ന AFC ഏഷ്യൻ കപ്പ് ഖത്തർ 2023 ടൂർണമെന്റിന്റെ പ്രീ-ക്വാർട്ടർ മത്സരത്തിൽ ഖത്തർ ഒന്നിനെതിരെ രണ്ട് ഗോളുകൾക്ക് പലസ്തീനെ പരാജയപ്പെടുത്തി.
മത്സരത്തിന്റെ മുപ്പത്തേഴാം മിനിറ്റിൽ ഓദയ് ദബ്ബാഗ് നേടിയ ഗോളിൽ പലസ്തീൻ ലീഡ് നേടി. എന്നാൽ ഹസ്സൻ അൽ ഹൈദോസ് (45+6′) ഖത്തറിനു വേണ്ടി സമനില ഗോൾ സ്‌കോർ ചെയ്തു.
നാല്പത്തൊമ്പതാം മിനിറ്റിൽ ലഭിച്ച പെനാൽറ്റി അക്രം അഫീഫ് ഗോളാക്കി മാറ്റിയതോടെ ഖത്തർ മത്സരത്തിൽ വിജയം ഉറപ്പാക്കി. ഖത്തർ AFC ഏഷ്യൻ കപ്പ് 2023 ടൂർണമെന്റിന്റെ ക്വാർട്ടർ ഫൈനലിലേക്ക് പ്രവേശിച്ചു.
Cover Image: Qatar News Agency.
