എമിറേറ്റിലെ കൂടുതൽ ബസ് സ്റ്റേഷനുകളിൽ സൗജന്യ വൈ-ഫൈ സേവനം ആരംഭിച്ചതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു. 2025 ഫെബ്രുവരി 25-നാണ് RTA ഇത് സംബന്ധിച്ച അറിയിപ്പ് നൽകിയത്.
أعلنت #هيئة_الطرق_و_المواصلات في #دبي عن توفير خدمة الإنترنت اللاسلكي "واي فاي" بشكل مجاني بالتعاون مع شركة &e "اتصالات"، حيث تم توفيرها في 17 محطة للحافلات العامة و12 محطة للنقل البحري، في مبادرة تهدف إلى إسعاد رواد النقل الجماعي في الإمارة عبر إتاحة الفرصة لهم للاتصال بشبكة… pic.twitter.com/EYObJh5wPj
— RTA (@rta_dubai) February 25, 2025
ഇതോടൊപ്പം കൂടുതൽ മറൈൻ ട്രാൻസ്‌പോർട് സ്റ്റേഷനുകളിലും സൗജന്യ വൈ-ഫൈ സേവനം നടപ്പിലാക്കിയിട്ടുണ്ട്. ടെലികമ്യൂണിക്കേഷൻസ് സ്ഥാപനമായ ‘e&’-യുമായി (ഇത്തിസലാത്ത്) ചേർന്നാണ് RTA ഈ സേവനം നൽകുന്നത്.
ഇതിന്റെ ഭാഗമായി ദുബായിലെ 29 ബസ്, മറൈൻ സ്റ്റേഷനുകളിൽ ഇപ്പോൾ സൗജന്യ വൈ-ഫൈ സേവനം ലഭ്യമാക്കിയിട്ടുണ്ട്. ഇതിൽ 17 പൊതു ബസ് സ്റ്റേഷനുകളും, 12 മറൈൻ ട്രാൻസ്‌പോർട് സ്റ്റേഷനുകളും ഉൾപ്പെടുന്നു.
യാത്രികർക്ക് ഈ സേവനം ഉപയോഗപ്പെടുത്തിക്കൊണ്ട് യാത്രാവേളകളിൽ തങ്ങളുടെ സ്മാർട്ഫോൺ, ടാബ്‌ലറ്റ്, ലാപ്ടോപ്പ് തുടങ്ങിയ ഉപകരണങ്ങളിൽ ഇന്റർനെറ്റ് സേവനം ലഭ്യമാക്കാവുന്നതാണ്.
താമസിയാതെ നഗരത്തിലെ മുഴുവൻ RTA സ്റ്റേഷനുകളെയും ഉൾപ്പെടുത്തുന്ന രീതിയിൽ (21 ബസ് സ്റ്റേഷനുകൾ, 22 മറൈൻ ട്രാൻസ്‌പോർട് സ്റ്റേഷനുകൾ) ഈ സേവനം വ്യാപിപ്പിക്കുമെന്ന് RTA പബ്ലിക് ട്രാൻസ്‌പോർട് ഏജൻസി ട്രാൻസ്പോർട്ടേഷൻ സിസ്റ്റംസ് ഡയറക്ർ ഖാലിദ് അബ്ദുൾറഹ്മാൻ അൽ അവാദി അറിയിച്ചിട്ടുണ്ട്. 2025-ന്റെ രണ്ടാം പാദത്തിൽ ഈ പദ്ധതി പൂർത്തിയാക്കാനാകുമെന്നാണ് RTA പ്രതീക്ഷിക്കുന്നത്.
ഇതിന്റെ ആദ്യ ഘട്ടം 2024 ഡിസംബറിൽ RTA നടപ്പിലാക്കിയിരുന്നു.
Cover Image: Dubai Media Office.
