രാജ്യത്തെ പൊതു മേഖലയിലെ ഈ വർഷത്തെ ഈദ് അവധി ദിനങ്ങൾ സംബന്ധിച്ച് കുവൈറ്റ് അധികൃതർ അറിയിപ്പ് പുറത്തിറക്കി. 2025 മാർച്ച് 13-നാണ് കുവൈറ്റ് ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
#Kuwait Cabinet decides to suspend work at all ministries, governmental bodies & public institutions for three days as an official holiday on the occasion of Eid Al-Fitrhttps://t.co/lRhiUZ3rKj#KUNA #KUWAIT pic.twitter.com/VyZSiLHkIF
— Kuwait News Agency – English Feed (@kuna_en) March 13, 2025
മാർച്ച് 13-ന് ചേർന്ന മന്ത്രിസഭാ യോഗത്തിലാണ് ഇത് സംബന്ധിച്ച തീരുമാനമുണ്ടായത്.
ഈ തീരുമാന പ്രകാരം കുവൈറ്റിലെ പൊതു മേഖലയിൽ ഈ വർഷത്തെ ഈദ് അവധി ദിനങ്ങൾ താഴെ പറയുന്ന പ്രകാരമായിരിക്കും:
- 2025 മാർച്ച് 30, ഞായറാഴ്ച ഈദുൽ ഫിത്ർ വരുന്ന സാഹചര്യത്തിൽ കുവൈറ്റിലെ മന്ത്രാലയങ്ങൾ, സർക്കാർ, പൊതുമേഖലാ സ്ഥാപനങ്ങൾ തുടങ്ങിയവയ്ക്ക് മൂന്ന് ദിവസത്തെ അവധിയായിരിക്കും. ഈ സാഹചര്യത്തിൽ അവധിയ്ക്ക് ശേഷം പൊതു മേഖലയിലെ പ്രവർത്തനങ്ങൾ 2025 ഏപ്രിൽ 2, ബുധനാഴ്ച പുനരാരംഭിക്കുന്നതാണ്.
- എന്നാൽ 2025 മാർച്ച് 31, തിങ്കളാഴ്ച ഈദുൽ ഫിത്ർ വരുന്ന സാഹചര്യത്തിൽ കുവൈറ്റിലെ മന്ത്രാലയങ്ങൾ, സർക്കാർ, പൊതുമേഖലാ സ്ഥാപനങ്ങൾ തുടങ്ങിയവയ്ക്ക് അഞ്ച് ദിവസത്തെ അവധി ഉണ്ടായിരിക്കുന്നതാണ്. ഈ സാഹചര്യത്തിൽ അവധിയ്ക്ക് ശേഷം പൊതു മേഖലയിലെ പ്രവർത്തനങ്ങൾ 2025 ഏപ്രിൽ 6, ഞായറാഴ്ച പുനരാരംഭിക്കുന്നതാണ്.
