ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ H.H. ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഇന്റർനാഷണൽ ക്രിക്കറ്റ് കൗൺസിൽ (ICC) ചെയർമാനുമായും, ഇന്ത്യൻ ക്രിക്കറ്റ് താരങ്ങളുമായും കൂടിക്കാഴ്ച നടത്തി. 2025 ഏപ്രിൽ 9-ന് മുംബൈയിൽ വെച്ചായിരുന്നു ഈ കൂടിക്കാഴ്ച.
حمدان بن محمد يلتقي في مومباي رئيس المجلس الدولي للكريكيت ونجوم المنتخب الهندي للعبة، وذلك على هامش زيارة سموه الرسمية إلى الهند.
— Dubai Media Office (@DXBMediaOffice) April 9, 2025
Hamdan bin Mohammed meets with Chairman of International Cricket Council, Indian cricket stars. During the meeting that formed part of Sheikh… pic.twitter.com/r6cB4qKiSK
ഷെയ്ഖ് ഹംദാൻ ICC ചെയർമാൻ ജയ് ഷായുമായി കൂടിക്കാഴ്ച നടത്തി. ഇന്ത്യൻ ക്രിക്കറ്റ് താരങ്ങളായ രോഹിത് ശർമ്മ, ഹർദിക് പാണ്ട്യ, സൂര്യകുമാർ യാദവ് തുടങ്ങിയവരും ഈ കൂടിക്കാഴ്ചയിൽ പങ്കെടുത്തു.
അന്താരാഷ്ട്ര സഹകരണങ്ങളിലൂടെ ആഗോള കായികമേഖലയ്ക്ക് കരുത്ത് പകരുന്നതിന് യു എ ഇ മുന്നോട്ട് വെക്കുന്ന പ്രതിബദ്ധത ഷെയ്ഖ് ഹംദാൻ ചൂണ്ടിക്കാട്ടി. 2005 മുതൽ ICC-യുടെ ആസ്ഥാനം ദുബായിൽ പ്രവർത്തിക്കുന്നതിൽ അതിയായ അഭിമാനമുണ്ടെന്ന് അദ്ദേഹം കൂട്ടിച്ചേർത്തു.
2025-ലെ ICC ചാമ്പ്യൻസ് ട്രോഫി നേടിയ ഇന്ത്യൻ ടീമിന്റെ നേട്ടത്തെ അദ്ദേഹം അഭിനന്ദിച്ചു. കായികമേഖലയിൽ ഉൾപ്പടെ യു എ ഇ ഒരുക്കുന്ന ലോകോത്തര നിലവാരം, സംഘാടനമികവ് തുടങ്ങിയവയെ ഇന്ത്യൻ ക്രിക്കറ്റ് താരങ്ങൾ പ്രത്യേകം എടുത്ത് പറഞ്ഞു.
WAM
