2025 ജൂലൈ 1 മുതൽ എമിറേറ്റിലെ സർക്കാർ ജീവനക്കാർക്കിടയിൽ വേനൽക്കാല പ്രവർത്തനസമയം നടപ്പിലാക്കുമെന്ന് ദുബായ് അധികൃതർ അറിയിച്ചു. ദുബായ് ഗവൺമെന്റ് ഹ്യൂമൻ റിസോഴ്സസ് വകുപ്പാണ് (DGHR) ഇക്കാര്യം പ്രഖ്യാപിച്ചത്.
The Dubai Government Human Resources Department (DGHR) announces the implementation of the ‘Our Flexible Summer’ initiative across all Dubai Government entities, following the success of its pilot phase in 2024. Aimed at enhancing work-life balance for government employees, the… pic.twitter.com/ORqI6PxhJ7
— Dubai Media Office (@DXBMediaOffice) June 15, 2025
‘അവർ ഫ്ലക്സിബിൾ സമ്മർ’ എന്ന പേരിൽ നടപ്പിലാക്കുന്ന ഈ തീരുമാനം ദുബായിലെ സർക്കാർ വകുപ്പുകളിൽ പ്രാവർത്തികമാക്കുന്നതാണ്. 2024-ൽ ഈ തീരുമാനം പരീക്ഷണാടിസ്ഥാനത്തിൽ നടപ്പിലാക്കിയിരുന്നു.
സർക്കാർ ജീവനക്കാർക്കിടയിൽ വേനൽക്കാല മാസങ്ങളിൽ ജോലി, കുടുംബജീവിതം എന്നിവ കൂടുതൽ കാര്യക്ഷമമായി ഒരുമിച്ച് കൊണ്ട് പോകുന്നതിന് സഹായിക്കുന്നതിനാണ് ഈ നടപടി. ഇതിന്റെ ഭാഗമായി ദുബായിലെ സർക്കാർ ജീവനക്കാർക്ക് ആഴ്ച തോറും അഞ്ച് ദിവസം ജോലി ചെയ്യുന്ന രീതിയിൽ രണ്ട് ഫ്ലക്സിബിൾ പ്രവർത്തനസമയക്രമം തിരഞ്ഞെടുക്കുന്നതിന് അനുമതി നൽകുന്നതാണ്.
2025 ജൂലൈ 1 മുതൽ 2025 സെപ്റ്റംബർ 12 വരെയാണ് ‘അവർ ഫ്ലക്സിബിൾ സമ്മർ’ പ്രവർത്തനസമയം നടപ്പിലാക്കുന്നത്. ഈ തീരുമാനം നടപ്പിലാക്കുന്നതിനുള്ള അവകാശം ഓരോ വകുപ്പുകളിലും നിക്ഷിപ്തമായിരിക്കും.
