2025-ന്റെ ആദ്യ പകുതിയിൽ എമിറേറ്റിലെ ടാക്സി യാത്രകളിൽ ഏഴ് ശതമാനം വളർച്ച രേഖപ്പെടുത്തിയതായി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) വെളിപ്പെടുത്തി.
قطاع مركبات الأجرة يحقق 7% نمواً في الرحلات مقارنة مع 2024. pic.twitter.com/bHrjqWoGef
— Dubai Media Office (@DXBMediaOffice) August 12, 2025
ദുബായ് മീഡിയ ഓഫീസാണ് ഇക്കാര്യം റിപ്പോർട്ട് ചെയ്തത്. കഴിഞ്ഞ വർഷത്തെ ഇതേ കാലയളവിലെ കണക്കുകളുമായി താരതമ്യം ചെയ്തുകൊണ്ടാണ് RTA ഇക്കാര്യം അറിയിച്ചത്.
2025-ന്റെ ആദ്യ പകുതിയിൽ എമിറേറ്റിൽ ആകെ 59.5 ദശലക്ഷം ടാക്സി യാത്രകളാണ് രേഖപ്പെടുത്തിയിരിക്കുന്നത്. കഴിഞ്ഞ വർഷം ഇതേ കാലയളവിൽ ഇത് 55 ദശലക്ഷമായിരുന്നു.
ഈ വർഷത്തെ ആദ്യ ആറ് മാസങ്ങളിൽ 103.5 ദശലക്ഷം യാത്രികരാണ് ദുബായിലെ ടാക്സി സംവിധാനങ്ങളിൽ യാത്ര ചെയ്തത്. കഴിഞ്ഞ വർഷം ഇതേ കാലയളവിൽ ആകെ 97 ദശലക്ഷം യാത്രികരാണ് ടാക്സികളിൽ യാത്ര ചെയ്തത്.
