എമിറേറ്റിലെ ആറ് പ്രധാന റോഡുകളിൽ നടപ്പിലാക്കുന്ന ബസ്, ടാക്സി എന്നിവയ്ക്കുള്ള പ്രത്യേക ലെയിനുകളുടെ നിർമ്മാണം 30% പൂർത്തിയാക്കിയതായി ദുബായ് റോഡ്സ് ആൻഡ് ട്രാൻസ്പോർട് അതോറിറ്റി (RTA) അറിയിച്ചു. 2026 ജൂൺ 21-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
Dubai’s Roads and Transport Authority (RTA) marks 30% completion of the 14.5 km dedicated bus and taxi lanes project across 6 key streets: Sheikh Sabah Al Ahmad Al Jaber Al Sabah Street, 2nd December Street, Al Satwa Street, Al Nahda Street, Omar Bin Al Khattab Street, and Naif… pic.twitter.com/NKM50OXVcB
— Dubai Media Office (@DXBMediaOffice) June 21, 2026
ഷെയ്ഖ് സബാഹ് അൽ അഹ്മദ് അൽ ജാബിർ അൽ സബാഹ് സ്ട്രീറ്റ്, 2nd ഓഫ് ഡിസംബർ സ്ട്രീറ്റ്, അൽ സത്വ സ്ട്രീറ്റ്, അൽ നഹ്ദ സ്ട്രീറ്റ്, ഒമർ ബിൻ അൽ ഖത്താബ് സ്ട്രീറ്റ്, നൈഫ് സ്ട്രീറ്റ് എന്നീ പ്രധാന പാതകളിലാണ് ഇത്തരം ലെയിനുകളുടെ നിർമ്മാണം നടക്കുന്നത്. ഈ സ്ട്രീറ്റുകളിൽ ഏതാണ്ട് 14.5 കിലോമീറ്റർ ദൈർഘ്യത്തിലാണ് ബസ്, ടാക്സി എന്നിവയ്ക്കുള്ള പ്രത്യേക ലെയിനുകൾ നിർമ്മിക്കുന്നത്.
ഇവയുടെ നിർമ്മാണം പൂർത്തിയാകുന്നതോടെ ദുബായിലെ ബസ്, ടാക്സി എന്നിവയ്ക്കുള്ള പ്രത്യേക ലെയിനുകളുടെ ആകെ ദൈർഘ്യം 20.6 കിലോമീറ്ററായി ഉയരുന്നതാണ്. പൊതുഗതാഗതസംവിധാനങ്ങൾക്കുള്ള ഇത്തരം പ്രത്യേക ലെയിനുകൾ എമിറേറ്റിലെ പൊതുസമൂഹത്തിനിടയിൽ ബസുകളുടെ ഉപയോഗം ഉയർത്തുന്നതിന് കാരണമാകുമെന്നാണ് പ്രതീക്ഷിക്കുന്നത്.
ഇത്തരം സമർപ്പിത ബസ് പാതകളുടെ വിപുലീകരണം തിരക്കേറിയ സമയങ്ങളിൽ ഈ പാതകൾ ഉപയോഗിക്കുന്ന റൂട്ടുകളിലെ ബസ് യാത്രാ സമയം 24% മുതൽ 59% വരെ കുറയ്ക്കുമെന്നും പ്രതീക്ഷിക്കുന്ന ബസ് വരവ് സമയം 28% മുതൽ 56% വരെ മെച്ചപ്പെടുത്തുമെന്നും RTA ബോർഡ് ചെയർമാൻ, ഡയറക്ടർ ജനറൽ മതാർ അൽ തായർ വ്യക്തമാക്കി. ഇതോടെ നായിഫ് സ്ട്രീറ്റിൽ ബസ് യാത്രാ സമയം 59% വരെയും, അൽ സത്വ സ്ട്രീറ്റിൽ 54% വരെയും, ഒമർ ബിൻ അൽ ഖത്താബ് സ്ട്രീറ്റിൽ 50% വരെയും, അൽ നഹ്ദ സ്ട്രീറ്റിൽ 38% വരെയും കുറയുമെന്ന് പ്രതീക്ഷിക്കുന്നു.
Cover Image: Dubai Media Office.
