ശബ്ദമലിനീകരണം, അനധികൃതമായ രൂപമാറ്റം എന്നിവയുമായി ബന്ധപ്പെട്ട് ഈ വർഷം ആദ്യ 9 മാസങ്ങളിൽ 1630 വാഹനങ്ങൾ പിടിച്ചെടുത്തതായി ദുബായ് അധികൃതർ അറിയിച്ചു. 2026 ഒക്ടോബർ 21-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്.
Dubai Police issue 7,735 traffic fines and impound 1,630 vehicles for excessive noise and unauthorised modifications during the first nine months of 2026. These measures form part of intensified traffic campaigns to enhance road safety and reduce practices that disturb residents and endanger road users. Dubai Police plan to increase the number of devices used to detect and measure vehicle noise and expand their deployment across a number of roads and areas.
— Dubai Media Office (@DXBMediaOffice) October 21, 2026
അമിതമായ ശബ്ദമുണ്ടാക്കിയതിനും അനധികൃതമായി വാഹനങ്ങളിൽ മാറ്റങ്ങൾ വരുത്തിയതിനും ഈ കാലയളവിൽ ദുബായ് പോലീസ് 7,735 ട്രാഫിക് പിഴകൾ ചുമത്തിയിട്ടുണ്ട്.
റോഡ് സുരക്ഷ മെച്ചപ്പെടുത്തുന്നതിനും, എമിറേറ്റിലെ നിവാസികൾക്ക് ശല്യമുണ്ടാക്കുന്നതും റോഡ് ഉപയോഗിക്കുന്നവർക്ക് അപകടം വരുത്തുന്നതുമായ പ്രവണതകൾ കുറയ്ക്കുന്നതിനുമായി ദുബായ് പോലീസ് നടപ്പിലാക്കുന്ന ശക്തമായ ട്രാഫിക് ബോധവൽക്കരണ-നിയന്ത്രണ നടപടികളുടെ ഭാഗമാണിത്.
വാഹനങ്ങളിലെ ശബ്ദം കണ്ടെത്താനും, അളക്കാനും ഉപയോഗിക്കുന്ന ഉപകരണങ്ങളുടെ എണ്ണം വർദ്ധിപ്പിക്കാനും, കൂടുതൽ റോഡുകളിലും പ്രദേശങ്ങളിലും ഇവ സ്ഥാപിക്കാനും ദുബായ് പോലീസ് പദ്ധതിയിടുന്നതായും അധികൃതർ അറിയിച്ചിട്ടുണ്ട്.
