പ്രധാനമന്ത്രിയുടെ ആഹ്വാനപ്രകാരം COVID-19 ‘ബ്രേക്ക് ദി ചെയിൻ’ ആശയത്തിന്റെ ഭാഗമായുള്ള ജനതാ കർഫ്യു രാജ്യം മുഴുവനുമുള്ള ജനങ്ങൾ ഏറ്റെടുത്തു. ഇത് വരെയുള്ള റിപ്പോർട്ടുകൾ പ്രകാരം അടിയന്തിര സ്വഭാവമുള്ള കാര്യങ്ങൾക്കൊഴികെ ആരും വീടുകളിൾ നിന്ന് പുറത്തിറങ്ങുന്നില്ല.
കേരളമുൾപ്പടെ എല്ലാ സംസ്ഥാനങ്ങളും മികച്ച രീതിയിലാണ് ഈ നിർദ്ദേശത്തോട് പ്രതികരിച്ചത്. സർക്കാർ സംവിധാനങ്ങളും, പൊതു പ്രവർത്തകരും, നിയമപാലകരുമെല്ലാം ഈ ആശയത്തിന്റെ പ്രചാരണത്തിനായി ജനങ്ങൾക്കിടയിൽ മികച്ച ബോധവത്കരണ പരിപാടികളാണ് സംഘടിപ്പിച്ചത്.
