അൽ യലായിസ് സ്ട്രീറ്റിലെ ഗതാഗത നീക്കം മെച്ചപ്പെടുത്തുന്നത് ലക്ഷ്യമിടുന്ന ഒരു പുതിയ മൂന്ന് വരി ഫ്ലൈഓവർ തുറന്നതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു. 2025 ഏപ്രിൽ 26-നാണ് RTA ഇക്കാര്യം അറിയിച്ചത്.
افتتحت #هيئة_الطرق_و_المواصلات بالتعاون مع قطارات الاتحاد، المطور والمشغل لشبكة السكك الحديدية الوطنية في دولة الإمارات، تقاطعاً مجسراً محكوماً بإشارة ضوئية بطول 1.8كم وبسعة ثلاث مسارات، لخدمة الحركة المرورية من وإلى مجمع دبي للاستثمار على شارع اليلايس. كما يوفر الجسر حركة… pic.twitter.com/uQwEYWNBKQ
— RTA (@rta_dubai) April 26, 2025
1.8 കിലോമീറ്റർ ദൈർഘ്യമുള്ള ഈ സിഗ്നൽ നിയന്ത്രിത ഫ്ലൈഓവർ ദുബായ് ഇൻവെസ്റ്റ്മെന്റ് പാർക്കിലേക്കും തിരികെയുമുള്ള വാഹനഗതാഗതം കൂടുതൽ സുഗമമാക്കുന്നതിലൂടെ അൽ യലായിസ് സ്ട്രീറ്റിലെ തിരക്ക് കുറയ്ക്കുന്നു.
ഇത്തിഹാദ് റെയിലുമായി സഹകരിച്ചാണ് RTA ഈ ഫ്ലൈഓവർ തുറന്നിരിക്കുന്നത്.
ദുബായിൽ നിന്ന് വരുന്ന വാഹനങ്ങൾക്ക് ദുബായ് ഇൻവെസ്റ്റ്മെന്റ് പാർക്കിലേക്ക് കടക്കുന്നതിനുള്ള ഒരു റൈറ്റ്-ടേൺ സ്ലിപ് റോഡ്, ഷെയ്ഖ് സായിദ് റോഡിലേക്ക് സഞ്ചരിക്കേണ്ട വാഹനങ്ങൾക്കുള്ള ഒരു റൈറ്റ്-ടേൺ സ്ലിപ് റോഡ് എന്നിവയും ഈ ഫ്ലൈഓവർ പദ്ധതിയുടെ ഭാഗമായി നിർമ്മിച്ചിട്ടുണ്ട്.
യു എ ഇ ദേശീയ റെയിൽ ശൃംഖലയുടെ ഭാഗമായി സഞ്ചരിക്കുന്ന ട്രെയിനുകൾക്ക് അൽ യലായിസ് സ്ട്രീറ്റിലെ മീഡിയൻ സ്ട്രിപ്പിലൂടെ തടസമില്ലാതെ സഞ്ചരിക്കുന്നതിനും ഈ ഫ്ലൈഓവർ സഹായിക്കുന്നു.
ഭാവിയിൽ ഈ ഫ്ലൈഓവർ ജുമേയറഹ് ഗോൾഫ് എസ്റ്റേറ്റ്സ് പ്രദേശത്തേക്ക് നീട്ടുമെന്നും RTA അറിയിച്ചിട്ടുണ്ട്.
Cover Image: Dubai Media Office.
