പതിനഞ്ചാമത് എമിറേറ്റ്സ് അന്താരാഷ്ട്ര സാഹിത്യ മേള 2023 ഫെബ്രുവരി 6-ന് അവസാനിച്ചു. മേളയുടെ അവസാന ദിവസം യു എ ഇയുടെ വിവിധ മേഖലകളിൽ നിന്നുള്ള മൂവായിരത്തിലധികം വിദ്യാർത്ഥികൾ എമിറേറ്റ്സ് ലിറ്റ്ഫെസ്റ്റ് വേദിയിൽ സംഘടിപ്പിച്ച പ്രത്യേക പരിപാടികളിൽ പങ്കെടുത്തു.
ആഗോള തലത്തിൽ തന്നെ പ്രശസ്തരായ ഇരുന്നൂറിൽ പരം എഴുത്തുകാരും, ബുദ്ധിജീവികളും മേളയിൽ ഒത്ത് ചേർന്നു.
2023 ഫെബ്രുവരി 1 മുതൽ 6 വരെ നീണ്ട് നിന്ന പതിനഞ്ചാമത് എമിറേറ്റ്സ് ലിറ്റ്ഫെസ്റ്റ് എഴുത്തുകാരുടെ പങ്കാളിത്തം കൊണ്ടും, പരിപാടികളുടെ വൈവിധ്യം കൊണ്ടും ആഗോള തലത്തിൽ തന്നെ ഏറെ ശ്രദ്ധേയമായി.
ഇന്റർകോണ്ടിനെന്റൽ ദുബായ് ഫെസ്റ്റിവൽ സിറ്റിയിലും, മുഹമ്മദ് ബിൻ റാഷിദ് ലൈബ്രറിയിലും വെച്ചാണ് എമിറേറ്റ്സ് ലിറ്റ്ഫെസ്റ്റ് സംഘടിപ്പിച്ചത്. യു എ ഇയിലും, മേഖലയിൽ തന്നെയും ആളുകളെ വായനയോടും, പുസ്തകങ്ങളോടും കൂടുതൽ അടുപ്പിക്കുന്നതിൽ എമിറേറ്റ്സ് ലിറ്റ്ഫെസ്റ്റ് വലിയ പങ്ക് വഹിക്കുന്നുണ്ട്.
Cover Image: Dubai Media Office.
