ഫിഫ അണ്ടർ-20 വേൾഡ് കപ്പ് അർജന്റീന 2023 ടൂർണമെന്റിന്റെ മത്സരക്രമ പട്ടിക പ്രസിദ്ധീകരിക്കുന്നതിന്റെ ഭാഗമായുള്ള ഔദ്യോഗിക നറുക്കെടുപ്പ് സൂറിച്ചിലെ ഫിഫ ആസ്ഥാനത്ത് വെച്ച് 2023 ഏപ്രിൽ 21-ന് നടന്നു.
ഫിഫ ഡയറക്ടർ ഓഫ് ടൂർണമെന്റ്സ് ജെയ്‌മി യർസാ, സമാന്ത ജോൺസൻ, ഫുട്ബാൾ ഇതിഹാസങ്ങളായ യുവാൻ പാബ്ലോ സോറിൻ, ഡേവിഡ് ട്രെസഗെ എന്നിവർ ഈ നറുക്കെടുപ്പ് ചടങ്ങിൽ പങ്കെടുത്തു. ആറ് ഗ്രൂപ്പുകളിലേക്കുള്ള നാല് ടീമുകളെ വീതം ഈ നറുക്കെടുപ്പിൽ തിരഞ്ഞെടുത്തിട്ടുണ്ട്.
ഗ്രൂപ്പ് A
- Argentina
- Uzbekistan
- Guatemala
- New Zealand
ഗ്രൂപ്പ് B
- USA
- Ecuador
- Fiji
- Slovakia
ഗ്രൂപ്പ് C
- Senegal
- Japan
- Israel
- Colombia
ഗ്രൂപ്പ് D
- Italy
- Brazil
- Nigeria
- Dominican Republic
ഗ്രൂപ്പ് E
- Uruguay
- Iraq
- England
- Tunisia
ഗ്രൂപ്പ് F
- France
- Korea Republic
- The Gambia
- Honduras
ഫിഫ അണ്ടർ-20 വേൾഡ് കപ്പ് അർജന്റീന 2023 ടൂർണമെന്റിന്റെ മത്സരക്രമ പട്ടിക https://digitalhub.fifa.com/m/2678f8a2521000a6/original/Match-Schedule-FIFA-U-20-World-Cup-Argentina-2023.pdf എന്ന വിലാസത്തിൽ പി ഡി എഫ് രൂപത്തിൽ ലഭ്യമാണ്.
2023 മെയ് 20 മുതൽ ജൂൺ 11 വരെയാണ് ഫിഫ അണ്ടർ-20 വേൾഡ് കപ്പ് അർജന്റീന 2023 ടൂർണമെന്റ് സംഘടിപ്പിക്കുന്നത്. 24 ടീമുകളാണ് ടൂർണമെന്റിൽ പങ്കെടുക്കുന്നത്. ലാ പ്ലാറ്റ, മെൻഡോസ, സാൻ യുവാൻ, സാന്റിയാഗോ ഡെൽ എസ്റ്ററോ എന്നീ നഗരങ്ങളിൽ വെച്ചാണ് ടൂർണമെന്റ്റ് സംഘടിപ്പിക്കുന്നത്.
ഫിഫ അണ്ടർ-20 വേൾഡ് കപ്പ് 2023 ടൂർണമെന്റിന് അർജന്റീന ആതിഥേയത്വം വഹിക്കുമെന്ന് ഇന്റർനാഷണൽ ഫെഡറേഷൻ ഓഫ് ഫുട്ബാൾ അസോസിയേഷൻസ് (FIFA) 2023 ഏപ്രിൽ 17-ന് സ്ഥിരീകരിച്ചിരുന്നു.
2021-ൽ ഇന്തോനേഷ്യയിൽ വെച്ച് നടക്കാനിരുന്ന ടൂർണമെന്റ് COVID-19 മഹാമാരിയുടെ പശ്ചാത്തലത്തിൽ 2023-ലേക്ക് മാറ്റിവെക്കുകയായിരുന്നു. ടൂർണമെന്റിൽ ഇസ്രായേൽ പങ്കെടുക്കുന്നതിനെ ചൊല്ലി ഇന്തോനേഷ്യയിൽ ഉയർന്ന് വന്ന പ്രതിഷേധങ്ങളെ തുടർന്ന് ഇന്തോനേഷ്യയുടെ ആതിഥേയത്വം 2023 മാർച്ച് 29-ന് ഫിഫ റദ്ദാക്കിയിരുന്നു. ഇതിനെത്തുടർന്ന് ടൂർണമെന്റ് നടത്തുന്നതിനായി അർജന്റീന മുന്നോട്ട് വരികയായിരുന്നു.
Cover Image: FIFA.
